ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ସହରର ଫୁଲବାଣୀ ରାସ୍ତାରେ ନୂତନ ଭାବେ ନିର୍ମାଣ ହୋଇଥିବା ପରିବହନ କାର୍ଯ୍ୟାଳୟର ଉଦଘାଟନ ହୋଇଥିଲା । ଉଦଘାଟନୀକୁ ଦେଢମାସ ନ ପୁରୁଣୁ ବିବାଦ ମୁଣ୍ଡ ଟେକିଛି । କାର୍ଯ୍ୟାଳୟକୁ ଯାଇଥିବା ମୁଖ୍ୟରାସ୍ତାଟି ପଟା ଜମିରେ ଯାଇଥିବାରୁ ଜମି ମାଲିକମାନେ ମୁଖ୍ୟରାସ୍ତାରେ ମାଟି ପକାଇ ରାସ୍ତା ବନ୍ଦ କରିବା ସହ ଆନ୍ଦୋଳନ କରିଛନ୍ତି ।
RTO ଅଫିସ ମୁଖ୍ୟ ରାସ୍ତା ବନ୍ଦ କଲେ ଜମି ମାଲିକ
ଏହାଫଳରେ କାର୍ଯ୍ୟାଳୟକୁ ଯାତାୟାତ ବାଧାପ୍ରାପ୍ତ ହୋଇଛି । କାର୍ଯ୍ୟାଳୟକୁ ଯିବାକୁ ଅନ୍ୟ କୌଣସି ରାସ୍ତା ନଥିବାରୁ ସମସ୍ୟା ଦେଖାଦେଇଛି । ଜମିମାଲିକଙ୍କ ଅଭିଯୋଗ ମୁତାବକ ସେମାନଙ୍କୁ ନ ଜଣାଇ ଜୋର ଜବରଦସ୍ତ ଜମି ମାଲିକଙ୍କ ଜମିରେ ପ୍ରଶାସନ ରାସ୍ତା ନିର୍ମାଣ କରିଛି । ପାଖରେ ସରକାରୀ ଜମି ଥାଇ ମଧ୍ୟ ସେମାନଙ୍କ ପଟା ଜମିରେ ରାସ୍ତା ନିର୍ମାଣ ହୋଇଛି । ତେବେ ସେମାନେ ତାଙ୍କ ପଟା ଜମି ଛାଡ଼ିବେ ନାହିଁ ବୋଲି ଦାବି କରିଛନ୍ତି ।