ଛାତ୍ର ସଂସଦ ନିର୍ବାଚନକୁ ସିଲେକସନ୍ ନୁହେଁ ଇଲେକସନରେ କରିବାକୁ ଦାବି

ଛାତ୍ର ସଂସଦ ନିର୍ବାଚନ ପାଇଁ ଲାଗୁ ହେବ ନୂଆ ନିୟମ । ଚଳିତ ବର୍ଷ ରାଜ୍ୟର ସମସ୍ତ ବିଶ୍ବବିଦ୍ୟାଳୟ ଏବଂ ମହାବିଦ୍ୟାଳୟରେ ଛାତ୍ର ସଂସଦ ନିର୍ବାଚନକୁ ଇଲେକସନ୍ ମାଧ୍ୟମରେ ନକରାଯାଇ ସିଲେକସନରେ କରାଯିବାକୁ ରାଜ୍ୟ ସରକାରଙ୍କ ପକ୍ଷରୁ ସ୍ଥିର କରାଯାଇଛି । ତେଣୁ ଏହାକୁ ବ୍ରହ୍ମପୁର ସହରର ଖଲ୍ଲିକୋଟ ସ୍ବୟଂ ଶାସିତ ମହାବିଦ୍ୟାଳୟର ଅଧ୍ୟୟନରତ ବିଦ୍ୟାର୍ଥୀମାନେ ବିରୋଧ କରିଛନ୍ତି ।

ବ୍ରହ୍ମପୁର: ଛାତ୍ର ସଂସଦ ନିର୍ବାଚନକୁ ସିଲେକସନ୍ ନୁହେଁ ଇଲେକସନ୍ କରାଯାଉ । ଏପରି ଏକ ଦାବି କରିଛନ୍ତି ବ୍ରହ୍ମପୁର ସହରର ଖଲ୍ଲିକୋଟ ସ୍ବୟଂ ଶାସିତ ମହାବିଦ୍ୟାଳୟର ଅଧ୍ୟୟନରତ ବିଦ୍ୟାର୍ଥୀମାନେ ।

ଚଳିତ ବର୍ଷ ରାଜ୍ୟର ସମସ୍ତ ବିଶ୍ବବିଦ୍ୟାଳୟ ଏବଂ ମହାବିଦ୍ୟାଳୟରେ ଛାତ୍ର ସଂସଦ ନିର୍ବାଚନକୁ ଇଲେକସନ୍ ମାଧ୍ୟମରେ ନକରାଯାଇ ସିଲେକସନ୍ ପ୍ରକ୍ରିୟା ମାଧ୍ୟମରେ କରାଯିବାକୁ ରାଜ୍ୟ ସରକାରଙ୍କ ପକ୍ଷରୁ ସ୍ଥିର କରାଯାଇଛି । ତେଣୁ ଏହାକୁ ବ୍ରହ୍ମପୁର ସହରର ଖଲ୍ଲିକୋଟ ସ୍ବୟଂ ଶାସିତ ମହାବିଦ୍ୟାଳୟ ର ଅଧ୍ୟୟନରତ ବିଦ୍ୟାର୍ଥୀ ମାନେ ଏହାକୁ ବିରୋଧ କରିଛନ୍ତି ।

ନିର୍ବାଚନକୁ ସିଲେକସନ୍ ମାଧ୍ୟମରେ ନୁହେଁ ବଂର ଇଲେକସନ୍ ମାଧ୍ୟମରେ କରିବାକୁ ଦାବୀ କରି ବିଦ୍ୟାର୍ଥୀମାନେ ଶୁକ୍ରବାର ମହାବିଦ୍ୟାଳୟର ଅଧ୍ୟକ୍ଷାଙ୍କୁ ଦାବୀ ପତ୍ର ପ୍ରଦାନ କରିବା ସହ ସରକାର ଏଥିପ୍ରତି ଦୃଷ୍ଟି ଦେବାକୁ ଦାବୀ କରିଛନ୍ତି ।

ତେବ ମହାବିଦ୍ୟାଳୟ ପରିସରରେ ଛାତ୍ର ଅଶାନ୍ତିକୁ ଦୃଷ୍ଟିରେ ରଖି ପୋଲିସ ବିଭାଗର ବରିଷ୍ଠ ଅଧିକାରୀମାନେ ପହଞ୍ଚି ବିଦ୍ୟାର୍ଥୀ ଏବଂ ମହାବିଦ୍ୟାଳୟ କର୍ତ୍ତୁପକ୍ଷଙ୍କ ସହ ଆଲୋଚନା କରି ବୁଝାସୁଝା କରିଥିଲେ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ