ଭଞ୍ଜନଗର:ଭଞ୍ଜନଗର ମେଡ଼ିକାଲରେ ଥିବା ବିଭିନ୍ନ ସମସ୍ୟାର ସମାଧାନ ଦାବି ନେଇ ଧାରଣାରେ ବସିଲେ ସାମ୍ବାଦିକ । ବିଭିନ୍ନ ସଂଗଠନ ସହ ମିଳିତ ଭାବରେ ଏହି ଧାରଣା ଦିଆଯାଇଛି । ଡାକ୍ତରଖାନାରେ ଆବଶ୍ୟକ ଡାକ୍ତର ନାହାନ୍ତି । ଏହାଛଡ଼ା ଆବଶ୍ୟକ ଥିବା ସ୍ବାସ୍ଥ୍ୟକର୍ମୀ ଓ ଅନ୍ୟ କର୍ମଚାରୀଙ୍କ ମଧ୍ୟ ଅଭାବ ରହିଛି ।
ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ସମସ୍ୟା, ସମାଧାନ ପାଇଁ ଧାରଣାରେ ବସିଲା ସାମ୍ବାଦିକ ସଂଗଠନ
ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ୨୪ ଡାକ୍ତର ବଦଳରେ ୧୨ ଡାକ୍ତର ରହିଛନ୍ତି । ଡାକ୍ତର ଅଭାବ ସତ୍ତ୍ୱେ ୩ ଜଣ ଡାକ୍ତରଙ୍କୁ ଅନ୍ୟତ୍ର ବଦଳି କରାଯାଇଛି । ୩୦ ଜଣ ସ୍ବାସ୍ଥ୍ୟକର୍ମୀଙ୍କ ବଦଳରେ ମାତ୍ର ୧୩ ଜଣ କାର୍ଯ୍ୟ କରୁଛନ୍ତି । ରକ୍ତ ଭଣ୍ଡାରରକୁ ୨୪ ଘଣ୍ଟିଆ କାର୍ଯ୍ୟକ୍ଷମ କରିବା, ଅଲଟ୍ରାସାଉଣ୍ଡ୍ ବ୍ୟବସ୍ଥାକୁ କେବଳ ଗୁରୁବାର ବଦଳରେ ସବୁଦିନିଆ ବ୍ୟବସ୍ଥାଦ ଦାବି କରାଯାଇଛି । ଏହାକୁ ନେଇ ଉପଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ଦିଆଯାଇଥିଲା । କିନ୍ତୁ ଅଭିଯୋଗକୁ ୮ ଦିନ ବିତିଯାଇଥିଲେ ମଧ୍ୟ ସରକାର ଆଜି ସୁଦ୍ଧା ଏ ଦିଗରେ କୌଣସି ପଦକ୍ଷେପ ନିଆଯାଇନଥିବା ଅଭିଯୋଗ ହୋଇଛି ।