ବ୍ରହ୍ମପୁର: ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ପୌରାଞ୍ଚଳରୁ ଏକ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହକୁ ଉଦ୍ଧାର କରାଯାଇଛି । ମୃତ୍ୟୁର କାରଣ ସମ୍ପର୍କରେ ସୂଚନା ମିଳିନଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
ଘର ମଧ୍ୟରୁ ମହିଳାଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର, ତଦନ୍ତ ଜାରି
ମୃତ ମହିଳା ଜଣକ ହେଉଛନ୍ତି ୩୪ ବର୍ଷୀୟ ଆର. ରାଣୀ ଦୋରା । ଜିଲ୍ଲାର ହିଞ୍ଜିଳିକାଟୁ ଥାନା ଅନ୍ତର୍ଗତ ହିଞ୍ଜିଳିକାଟୁ ପୌରାଞ୍ଚଳର ଶ୍ରୀକ୍ଷେତ୍ର ମାର୍ଗ ଦ୍ବିତୀୟ ଲାଇନରେ ରହି ଆସୁଥିବା ଆର. ତିରୁପତି ଦୋରାଙ୍କ ପତ୍ନୀଙ୍କ ଏହି ମୃତଦେହ ବାଡି ପଟ ଘରୁ ମିଳିଥିଲା । ମହିଳାଙ୍କ ହତ୍ୟା କରାଯାଇଛି ନାଁ ସେ ସକାଳୁ ସକାଳୁ ନିଜେ ଆତ୍ମହତ୍ୟା କରିଛନ୍ତି ତାହାକୁ ନେଇ ସନ୍ଦେହ ଉପୁଜିଛି ।