ନିଆରା ରାକ୍ଷୀ:ବୀର ଯବାନଙ୍କ ପାଇଁ ମନ୍ଦିରରେ ପୂଜା କଲେ ଛାତ୍ରଛାତ୍ରୀ

ସାରା ରାଜ୍ୟରେ ରାକ୍ଷୀ ପୂର୍ଣ୍ଣିମାର ଉତ୍ସାହ ଜାରି ରହିଥିବା ବେଳେ ଭଞ୍ଜନଗରରେ ପାଳନ ହୋଇଛି ନିଆରା ରାକ୍ଷୀ । ଅଧିକ ପଢନ୍ତୁ...

ଭଞ୍ଜନଗର: ସାରା ରାଜ୍ୟରେ ରାକ୍ଷୀ ପୂର୍ଣ୍ଣିମାର ଉତ୍ସାହ ଜାରି ରହିଥିବା ବେଳେ ଭାଇ ଭଉଣୀର ପବିତ୍ର ସଂପର୍କକୁ ମନେ ପକାଇ ଭଞ୍ଜନଗରରେ ପାଳନ ହୋଇଛି ନିଆରା ରାକ୍ଷୀ । ରାକ୍ଷୀ ପୂର୍ଣ୍ଣିମା ପରି ଖୁସିର ଅବସରରେ ନିଜ ଜୀବନକୁ ବାଜି ଲଗାଇ ଦେଶ ସୀମାରେ କୋଟି କୋଟି ଦେଶବାସୀଙ୍କ ସୁରକ୍ଷା ପାଇଁ ବିଭିନ୍ନ ପ୍ରାନ୍ତରେ ନିୟୋଜିତ ଥିବା ଯବାନମାନଙ୍କୁ ଉତ୍ସାହିତ କରିବା ପାଇଁ ଗଞ୍ଜାମ ଜିଲ୍ଲା ବୁଗୁଡା ଅଞ୍ଚଳର ସ୍କାଉଟ୍ ଗାଇଡ ଛାତ୍ରଛାତ୍ରୀମାନେ ପାଳିଛନ୍ତି ନିଆରା ରାକ୍ଷୀ ।

ଏହି ଛାତ୍ରଛାତ୍ରୀମାନେ ଜବାନ ଭାଇଙ୍କ ମଙ୍ଗଳ କାମନା କରି ସ୍ଥାନୀୟ ମନ୍ଦିରରେ ରାକ୍ଷୀ ପୂଜା କରିଛନ୍ତି । ପରେ ସୀମାରେ ନିୟୋଜିତ ଥିବା ଯବାନ ଭାଇମାନଙ୍କର ଦୀର୍ଘାୟୁ କାମନା କରି ଡାକରେ ସେମାନଙ୍କ ପାଖକୁ ବିଭିନ୍ନ ରଙ୍ଗ ବେରଙ୍ଗର ସଂପର୍କର ଡୋରି ଥିବା ରାକ୍ଷୀ ପଠାଇଥିବା ଜଣାଇଛନ୍ତି । ତେବେ ମନ୍ଦିରରେ ପୂଜାର୍ଚ୍ଚନା ସହ ଗାଇଡ ଛାତ୍ରୀମାନେ ଜବାନମାନଙ୍କର ଆଶୁ ଆରୋଗ୍ୟ କାମନା କରିଥିବା ପ୍ରକାଶ କରିଛନ୍ତି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ