ଭଞ୍ଜନଗର:ଗୋଷ୍ଠୀ ସଂଘର୍ଷରେ 8 ଆହତ ହୋଇଛନ୍ତି । ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ 3 ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏହାସହ କିଛି ବ୍ୟକ୍ତିକୁ ଅଟକ ରଖି ପଚରାଉଚରା କରୁଛି ।
ତାସ ଖେଳକୁ ନେଇ ଗୋଷ୍ଠୀ ସଂଘର୍ଷ, 8 ଆହତ
ସୂଚନା ଅନୁସାରେ, ଗଞ୍ଜାମ ରୁମାଗଡ଼ ଗାଁର ବଡସାହିର ନିବାସ ପାଳ ଓ ମାଧବ ମାଲ୍ଲିକଙ୍କ ମଧ୍ୟରେ ତାସ ଖେଳକୁ ନେଇ ପ୍ରଥମେ ଝଗଡା ଆରମ୍ଭ ହୋଇଥିଲା । ଗ୍ରାମବାସୀ ବୁଝାସୁଝା କରି ଘଟଣାର ସମାଧାନ କରିଥିଲେ । କିନ୍ତୁ ପୁଣି ରାତିରେ ତାହା ଉଗ୍ରରୂପ ନେଇଥିଲା । ଖଣ୍ଡା ଓ ଠେଙ୍ଗାରେ ଦୁଇ ପରିବାର ମଧ୍ୟରେ ମାରପିଟ ହୋଇଥିଲା ।