ଭଞ୍ଜନଗର: ସରକାର ଯୋଜନା ପରେ ଯୋଜନା କରୁଛନ୍ତି କିନ୍ତୁ ଏହା ଲୋକଙ୍କ ପାଖରେ ଅପହଞ୍ଚ । ନା ଅଛି ଶିକ୍ଷା, ସ୍ବାସ୍ଥ୍ୟ, ରାସ୍ତାଘାଟ, ପାନୀୟ ଜଳ ନା ମୋବାଇଲ ନେଟୱର୍କ । ଆଧୁନିକ ଯୁଗରେ ମଣିଷ ଚନ୍ଦ୍ରରେ ଜାଗା କିଣିଲାଣି । କିଛି ମିନିଟ ମଧ୍ୟରେ ମୋବାଇଲରେ ସାରା ଭାରତ ତଥା ଦେଶ ବିଦେଶର ଖବର ଆସୁଛି । ମୋବାଇଲ ନେଟୱର୍କ ଦ୍ଵାରା ସବୁ ପ୍ରକାର ସରକାରୀ ବେସରକାରୀ କାମ ସବୁ ସମୟରେ ସବୁ ସ୍ଥାନରେ ହୋଇପାରୁଛି । ହେଲେ ମୋବାଇଲ ନେଟୱର୍କ ନଥିବାରୁ ଲୋକେ ସମସ୍ତ ପ୍ରକାର ସରକାରୀ ସୁବିଧାରୁ ବଞ୍ଚିତ ହେଉଛନ୍ତି l ଏଭଳି ମୌଳିକ ସୁବିଧାରୁ ବଞ୍ଚିତ ହେଉଛନ୍ତି ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ବଡ଼ଗୋଛା ପଞ୍ଚାୟତବାସୀ l
ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ବଡ଼ଗୋଛା ପଞ୍ଚାୟତ l ଏହି ପଞ୍ଚାୟତର ଜନସଂଖ୍ୟା କହିଲେ କୋଡିଏ ହଜାରରୁ ଉର୍ଦ୍ଧ୍ବ ହେବ l ପଞ୍ଚାଯତର ମିନାଙ୍ଗୀ, ଗିନିମା, ପିରିଡିବନ୍ଧ, ଗୁଡ଼ିପଦା, ସାନଗୋଚ୍ଛା, ସାଲିମାଗୋଚ୍ଛା ଏପରି 15 ଗୋଟି ଗ୍ରାମରେ ମୋବାଇଲ ନେଟୱର୍କ ନଥିବାରୁ ଲୋକମାନେ ସମସ୍ତ ସୁବିଧାରୁ ବଞ୍ଚିତ ହେଉଛନ୍ତି l ପରିବାର ସମ୍ପର୍କୀୟ ମାନଙ୍କ ସହ କଥା ହେବାକୁ ହେଲେ ବିଲମାଳରେ କିମ୍ବା ପାହାଡ଼ ଉପରେ ଯାଇ କଥାହେବାକୁ ପଡୁଛି l ଅନଲାଇନ ପାଠପଢା ହେଉ କିମ୍ବା ଆମ୍ବୁଲାନ୍ସ ଡାକିବାକୁ ହେଲେ ଲୋକମାନେ ନାହିଁ ନଥିବା ଅସୁବିଧାର ସମୁଖୀନ ହେବାକୁ ପଡୁଛି ତୁରନ୍ତ ଏହି ଅଂଚଳରେ ମୋବାଇଲ ସେବା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି । ଗ୍ରାମରେ ସ୍ବଚ୍ଛ ପାନୀୟ ଜଳ ପାଇଁ 50 ଲକ୍ଷ୍ୟରୁ ଉର୍ଦ୍ଧ ବ୍ୟୟ ରେ ପାଣି ଟାଙ୍କି ହୋଇଛି । ଗ୍ରାମରେ ପାଇପ ବିଛାଯାଇଛି କିନ୍ତୁ କଣ୍ଟ୍ରାକ୍ଟର ର ମନମୂଖୀ ଯୋଗୁ ପାନୀୟ ଜଳ ଯୋଗାଣ ହୋଇପାରୁନି । ଲୋକମାନେ ନଳକୂପ ଏବଂ ଝରଣା ପାଣି ବ୍ୟବହାର କରୁଛନ୍ତି । ଯେଉଁ ନଳକୂପ ବ୍ୟବହାର କରୁଛନ୍ତି ସେଠାରେ ଘୁଷୁରି ,କୁକୁର ରହି ପାଣି ପିଉଛନ୍ତି । ପରିବେଶ ଦେଖିଲେ ରୋଗକୁ ଆମନ୍ତ୍ରଣ କରିବା ଭଳି l ଏହି ସବୁ ସମସ୍ୟାର ସମାଧାନ କରାନଗଲେ ଆସନ୍ତା ପଞ୍ଚାୟତ ନିର୍ବାଚନ ରେ ଭୋଟ ବର୍ଜନ କରିବୁ ବୋଲି ଚେତାବନୀ ଦେଇଛନ୍ତି ଗ୍ରାମବାସୀ l