ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡା ଥାନା ବରାଡି ସାହିରେ ଏକ ବଡ ଧରଣର ଚୋରି ହୋଇଛି । ଚୋରମାନେ ସାହିର ଦିଲ୍ଲୀପ ଦାଶଙ୍କ ଘରୁ ଲକ୍ଷାଧିକ ଟଙ୍କା ସହିତ ନଗଦ 60 ହଜାର ଟଙ୍କା ଲୁଟି ନେଇଛନ୍ତି । ଘଟଣାସ୍ଥଳରେ ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି ।
ସୁନା ଅଳଙ୍କାର ସହ ନଗଦ 60000 ଲୁଟ, ସାଇଣ୍ଟିଫିକ ଟିମର ତଦନ୍ତ ଜାରି
ଦିଲ୍ଲୀପଙ୍କ ଘରେ କେହି ନଥିବାରୁ ଚୋରମାନେ ଏହାର ସୁଯୋଗ ନେଇ ଚୋରି କରିଛନ୍ତି । ମିଳିଥିବା ସୂଚନା ଅନୁସାରେ ଦିଲ୍ଲୀପଙ୍କ ଦେହ ଅସୁସ୍ଥ ହେବାରୁ ତାଙ୍କୁ 21 ତାରିଖରେ ପ୍ରଥମେ ସୋରଡ଼ା ମେଡିକାଲରେ ଚିକିତ୍ସା କରାଯାଇଥିଲା । ସେଠାରେ ତାଙ୍କର ଅବସ୍ଥା ଗୁରୁତର ହେବାରୁ ବ୍ରହ୍ମପୁର ମେଡିକାଲରେ ଭର୍ତ୍ତି କରିଥିଲେ ସେଠାରୁ ସୁସ୍ଥ ହୋଇ 27 ତାରିଖରେ ସୋରଡ଼ା ବରାଡ଼ି ସାହିରେ ଥିବା ନିଜ ଘରକୁ ଫେରିଥିଲେ ।