ଗୁହାଳରେ ନିଆଁ ଲାଗି ୧୦ ଛେଳି ଜୀବନ୍ତ ଦଗ୍ଧ

ଧରାକୋଟ ଥାନା ଆର.ଦାମୋଦର ପଲ୍ଲୀରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡରେ ଗୁହାଳଘର ଭସ୍ମୀଭୂତ । ଗୁହାଳରେ ନିଆଁ ଲାଗିବାରୁ ୧୦ରୁ ଉର୍ଦ୍ଧ୍ବ ଛେଳି ଛୁଆ ଜୀବନ୍ତ ଦଗ୍ଧ । ଅଧିକ ପଢନ୍ତୁ

ଭଞ୍ଜନଗର:ଧରାକୋଟ ଥାନା ଆର.ଦାମୋଦର ପଲ୍ଲୀରେ ଭୟାବହ ଅଗ୍ନିକାଣ୍ଡ । ଅଗ୍ନିକାଣ୍ଡରେ ଗୁହାଳଘର ଭସ୍ମୀଭୂତ । ଗୁହାଳରେ ନିଆଁ ଲାଗିବାରୁ ୧୦ରୁ ଉର୍ଦ୍ଧ୍ବ ଛେଳି ଛୁଆ ଜୀବନ୍ତ ଦଗ୍ଧ ।

ସୂଚନା ମୂତାବକ, ଗତକାଲି(ରବିବାର) ଦାମୋଦରପଲ୍ଲୀ ଗ୍ରାମର ନୀଳକଣ୍ଠେଶ୍ବର ମନ୍ଦିର ନିକଟରେ ଥିବା ଗୁହାଳ ଘରେ ନିଆଁ ଲାଗିଯାଇଥିଲା । ଫଳରେ ଗୁହାଳରେ ଥିବା ୧୦ରୁ ଉର୍ଦ୍ଧ୍ବ ଛେଳି ଛୁଆ ନିଆଁରେ ପୋଡି ଜୀବନ୍ତ ଦଗ୍ଧ ହୋଇଯାଇଛନ୍ତି ।

ଗ୍ରାମର ଉଦୟ ପାତ୍ର, ପଞ୍ଚୁ ପାତ୍ର, କୈଳାସ ପାତ୍ର ଓ ଚେନେୟା ପାତ୍ରଙ୍କ ଛେଳି ଅଗ୍ନିକାଣ୍ଡରେ ଜଳି ଯାଇଥିବା ସୂଚନା ମିଳିଛି । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବାବେଳେ ଘଟଣାସ୍ଥଳରେ ଧରାକୋଟ ଓ ଆସିକା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।

ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭରତ