ଗଞ୍ଜାମ: ଜିଲ୍ଲା ବଡଗଡ ଥାନା ପଟାପାବୁଲି ଗ୍ରାମରେ ରୁହନ୍ତି ଟୁକୁନା ଦାସଙ୍କ ପରିବାର । ପ୍ରଥମ ସ୍ତ୍ରୀ ଅନ୍ୟତ୍ର ଚାଲିଯିବା ପରେ ସାତ ବର୍ଷ ହେବ ଟୁକୁନା ତାଙ୍କ ଶାଳୀ ସନ୍ତୋଶିନୀକୁ ଦ୍ଵିତୀୟ ବିବାହ କରିଥିଲେ ।
ଜେଲରେ ମୃତ୍ୟୁ ଅପେକ୍ଷାରେ ସ୍ବାମୀ, ପ୍ରତିପୋଷଣ ପାଇଁ ସରକାରୀ ଦୁଆରେ ସ୍ତ୍ରୀ ପ୍ରଥମ ସ୍ତ୍ରୀର ଏକ ଝିଅ ଥିଲା। ହେଲେ ଟୁକୁନା ଦାସ ସନ୍ତୋଶିନୀ ଓ ଲିଜାକୁ ନେଇ ସୁରଟ ଚାଲିଗଲେ । ସେଠାରେ କିଛିଦିନ ଭଲରେ ରହିବାପରେ ଟୁକୁନା ଦାସ ନିଜ ଝିଅକୁ ଦୁଷ୍କର୍ମ କରି ହତ୍ୟା କରିଥିବା ଅଭିଯୋଗ ହୋଇଥିଲା। ଏହି ମାମଲାରେ 2017 ମସିହା ଜୁନ ମାସ 17 ତାରିଖରେ ସୁରଟ ପୋଲିସ ଟୁକୁନା ଦାସକୁ ଗିରଫ କରି କୋର୍ଟ ଚାଲାଣ କରିଥିଲା ।
ଗତ 10 ତାରିଖ ଦିନ ଅଦାଲତ ଟୁକୁନା ଦାସକୁ ଦୋଷୀ ସାବ୍ୟସ୍ତ କରି ଫାଶୀ ଦଣ୍ଡାଦେଶ ଶୁଣାଇଛନ୍ତି । ଏହି ଖବର ପାଇଲା ପରେ ସନ୍ତୋଶିନୀ ଭାଙ୍ଗି ପଡିଛନ୍ତି । ପାଖରେ ପଇସା ନାହିଁ । ଦୁଇ ଶିଶୁଙ୍କ ପାଇଁ କିପରି ଖାଇବାକୁ ଯୋଗାଡ଼ କରିବେ ସେ ନେଇ ଚିନ୍ତାରେ ସନ୍ତୋଶିନୀ ।
ଅନ୍ୟପଟେ ଶାଶୂଘର ଲୋକେ ପଚାରୁ ନଥିବାବେଳେ ବାପ ଘର ରାଇପଡ଼ାରେ ରହିଆସୁଛନ୍ତି ସେ । ବାପ ଘରେ ମଧ୍ୟ ଏହି ତିନି ପ୍ରାଣୀକୁ ଖାଇବାକୁ ଦେବାକୁ ସମ୍ଭଳ ନାହିଁ। ଆଉ ଏବେ ରାଇପଡ଼ା ଗ୍ରାମର ଲୋକମାନେ ଚାନ୍ଦା କରି ତାଙ୍କୁ ଖାଇବାକୁ ଦେଉଛନ୍ତି । ହେଲେ ଏମିତି ବା କେତେଦିନ ଚଳିବି ସ୍ବାମୀ ସିନା ଭୁଲ କଲା ସେ ଦଣ୍ଡ ପାଇବ, ମୁଁ କଣ ଭୁଲ କରିଛି ମୋତେ କିଛି ସରକାରୀ ସାହାଯ୍ୟ ଯୋଗାଇ ଦିଆଯାଉ ଏମିତି କିଛି ଅନୁରୋଧ କରିଛନ୍ତି ସନ୍ତୋଶିନୀ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
