ବ୍ରହ୍ମପୁର: ଜନମଙ୍ଗଳକର କାର୍ଯ୍ୟ କରି ସବୁବେଳେ ଚର୍ଚ୍ଚାରେ ରହିଥାନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ଆଜି ପୁଣି ଜଳ ସ୍ୱଚ୍ଛ କାର୍ଯ୍ୟକ୍ରମରେ ପୋଖରୀ ସଫେଇ କରି ବିଭିନ୍ନ ମହଲରୁ ପ୍ରଶଂସା ସାଉଟିଛନ୍ତି କୁଲାଙ୍ଗେ ।
ସୂଚନାଅନୁସାରେ, ଜଳ ସ୍ୱଚ୍ଛ କାର୍ଯ୍ୟକ୍ରମରେ ପୋଖରୀ ସଫେଇ କରିଛନ୍ତି ଗଞ୍ଜାମ ଜିଲ୍ଲାପାଳ । ଜିଲ୍ଲାରେ ପ୍ରତି ସୋମବାର ଜଳ ସ୍ବଚ୍ଛତା ଦିବସ ପାଳନ କରାଯାଉଛି । ଏହି କ୍ରମରେ ଆଜି ଛତ୍ରପୁର ସ୍ଥିତ ରିକାପଲ୍ଲୀ ରେଳଲାଇନ ନିକଟସ୍ଥ ପୋଖରୀର ସଫେଇ କାର୍ଯ୍ୟ କରାଯାଇଛି । ସକାଳ ସମୟରେ ଜଳ ସ୍ୱଚ୍ଛ କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲପାଳ ବିଜୟ ଅମୃତା କୁଲାଙ୍ଗେଙ୍କ ସମେତ ଛତ୍ରପୁର ବିଜ୍ଞାପତ ଅଞ୍ଚଳ ପରିଷଦର କର୍ମକର୍ତ୍ତା ଓ ସାହିବାସିନ୍ଦା ପକ୍ଷରୁ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଗଞ୍ଜାମ ଜିଲ୍ଲପାଳ ନିଜେ ପୋଖରୀକୁ ଯାଇ ସଫେଇ କରିଥିଲେ ।
ଜଳ ସ୍ୱଚ୍ଛ କାର୍ଯ୍ୟକ୍ରମରେ ପୋଖରୀ ସଫେଇ କଲେ ଗଞ୍ଜାମ ଜିଲ୍ଲାପାଳ