ବ୍ରହ୍ମପୁର: ରାଜ୍ୟରେ କୋରୋନା ସଙ୍କଟ ଏବେ ବି ଜାରି ରହିଛି । ଏହି କୋରନା ମହାମାରୀ ହେତୁ ରାଜ୍ୟରେ ଫିକା ପଡିଛି ସମସ୍ତ ପର୍ବପର୍ବାଣି l ତେବେ ମାହାମାରୀକୁ ଦୃଷ୍ଟିରେ ରଖି ଆଗାମୀ ଶାରଦୀୟ ପୂଜାରେ ଅଧିକ ସତର୍କ ରହିବାକୁ ପରାମର୍ଶ ଦେଇଛନ୍ତି ଗଞ୍ଜାମ ଜିଲ୍ଲାପାଳ । ଜିଲ୍ଲାପାଳ ବିଜୟ ଅମୃତା କୁଲେଙ୍ଗେ ଏହି ଅବସରରେ ଏକ ଭିଡିଓ ବାର୍ତ୍ତାରେ ଆଗାମୀ ଦୁର୍ଗାପୁଜା ପାଇଁ ଶୁଭେଚ୍ଛା ଜଣାଇବା ସହିତ ଜିଲ୍ଲାରେ ସଂକ୍ରମଣ କମୁଥିବାରୁ ବର୍ତ୍ତମାନର ସମୟରେ ଏବଂ ଆଗାମୀ ଦିନରେ ଏ ନେଇ ଅଧିକ ସତର୍କ ରହିବାକୁ ଜିଲ୍ଲାବାସୀଙ୍କୁ ଆହ୍ବାନ ଦେଇଛନ୍ତି ।
ଆଗାମୀ ସାରଦୀୟ ପୂଜାରେ ସତର୍କ ରହିବାକୁ ପରାମର୍ଶ ଦେଲେ ଜିଲ୍ଲାପାଳ
ଏପରିକି ପୂର୍ବରୁ ଜିଲ୍ଲାର ମାଆ ତାରାତାରିଣୀ ଯାତ୍ରା ଠାରୁ ଆରମ୍ଭ କରି ଦଣ୍ଡନୃତ୍ୟ ସମୟରେ ଜିଲ୍ଲା ବାସୀଙ୍କ ସହଯୋଗ ମିଳିଥିବା ବେଳେ ପୁଣି ଥରେ ସେଭଳି ସହଯୋଗ ପାଇଁ କୁହାଯାଇଛି । ପୂଜା ସମୟରେ ସମସ୍ତେ ନିଜ ଘରେ ରହି ପୂଜା କରିବା ସହ ଏହାର ମଜ୍ଜା ନେବା ପାଇଁ ପରାମର୍ଶ ଦିଆଯାଇଛି ।