ଗଞ୍ଜାମରୁ 30କେଜି ଗଞ୍ଜେଇ ଜବତ, 4 ଗିରଫ

ଗଞ୍ଜେଇ ଚୋରା ଚାଳାଣ ରୋକିବା ପାଇଁ ପୋଲିସ ଓ ଅବକାରୀ ବିଭାଗର କଡା କାର୍ଯ୍ୟାନୁଷ୍ଠାନ ସତ୍ବେ ବନ୍ଦ ହେଉନି ଗଞ୍ଜେଇ ମାଫିଆଙ୍କ ପ୍ରାଦୁର୍ଭାବ ।

ଭଞ୍ଜନଗର: ଗଞ୍ଜାମ ପୋଲିସକୁ ବଡ ସଫଳତା । ଗଞ୍ଜେଇ ମାଫିଆଙ୍କୁ ଶକ୍ତ ଧକ୍କା । ଆଜି ଗଞ୍ଜାମ ବଡଗଡ ପୋଲିସ 30 କିଲୋ ଗଞ୍ଜେଇ ସହ 4ଜଣ ଗଞ୍ଜେଇ ମାଫିଆଙ୍କୁ ଗିରଫ କରିବାରେ ସଫଳ ହୋଇଛି । ପୋଲିସ ସୂଚନା ମୁତାବକ ଜବତ ଗଞ୍ଜେଇର ବଜାର ମୁଲ୍ୟ ପ୍ରାୟ 90ଲକ୍ଷରୁ ଉର୍ଦ୍ଧ୍ବ ଟଙ୍କା ହେବ ।

ଦୀର୍ଘଦିନ ହେଲା ଗିରଫ ଅଭିଯୁକ୍ତ ମାନେ ଗଜପତିର ମୋହନାରୁ ଗଞ୍ଜେଇ ଆଣି ରାଜ୍ୟ ବାହାରକୁ ଚାଲଣ କରୁଥିଲେ । ହେଲେ ଗତରାତି ବଡଗଡ ପୋଲିସର ପେଟ୍ରୋଲିଙ୍ଗ ବେଳେ ଏମାନଙ୍କୁ ଗିରଫ କରିବାରେ ସଫଳ ହୋଇଛି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ