ବ୍ରହ୍ମପୁର: ଗଞ୍ଜାମ ଜିଲ୍ଲାର ପାତ୍ରପୁର ଅଞ୍ଚଳରେ ଅବକାରୀ ଓ ପୋଲିସ ବିଭାଗର ଚଢ଼ାଉ କରାଯାଇ ବିପୁଳ ପରିମାଣର ପୋଚ ସହ ଦେଶୀ ମଦକୁ ନଷ୍ଟ କରିଛି ପ୍ରଶାସନ ।
ସ୍ଥାନୀୟ ତହସିଲଦାରଙ୍କ ତତ୍ତ୍ବାବଧାନରେ ବ୍ରହ୍ମପୁର ଅବକରୀ ବିଭାଗ, ଜରଡ଼ା ଥାନା ପୋଲିସ ଓ ଏପିଆର୍ ପୋଲିସ ଫୋର୍ସ ପକ୍ଷରୁ ମିଳିତ ଭାବରେ ଏହି ଚଢ଼ାଉ କରାଯାଇଥିଲା । ଏହା ସହିତ ନାଳ କଡରେ ରହିଥିବା ଖୋଲା ସ୍ଥାନ ବାଙ୍କ ସାହି, ତୁମ୍ବା, ଗଉଡ଼ୁଣି ଭଳି ଅଞ୍ଚଳରେ ଚଢାଉ କରାଯାଇଥିବା ବେଳେ ୧୨ ହଜାର ଲିଟର ଦେଶୀ ମଦ ଏବଂ ଗୁଡ ମିଶ୍ରିତ ପୋଚକୁ ନଷ୍ଟ କରିବା ସହିତ ୬୦ ଗୋଟି ପ୍ଲାଷ୍ଟିକ ଡ୍ରମ୍କୁ ଜବତ କରାଯାଇଛି।