ଭଞ୍ଜନଗର: ଗ୍ରାମାଞ୍ଚଳରେ ତାଣ୍ଡବ କରୁଛନ୍ତି ହାତୀ । ଘରଦ୍ବାର ଭାଙ୍ଗିବା ସହ ଏକର ଏକର ଚାଷ ଜମି ଉଜାଡିଲେ ହାତୀପଲ । ଗଞ୍ଜାମ ଧରାକୋଟ ବନାଞ୍ଚଳର ରାଶିବାଡି ଗାଁରେ ଏଭଳି ହାତୀ ଉପଦ୍ରବ ଦେଖିବାକୁ ମିଳିଛି । ଗ୍ରାମ ନିକଟରେ ହାତୀକୁ ଦେଖି ଲୋକେ ଭୟଭୀତ ହେବା ସହ କଷ୍ଟ ଉପାର୍ଜିତ ଫସଲକୁ ଖିନଭିନ୍ ହେଉଥିବା ଦେଖି ହତାଶ ହୋଇଛନ୍ତି ଚାଷୀ ।
ଫସଲ କ୍ଷେତରେ ପଶିଲେ ହାତୀ, ଘଟାଇଲେ ବ୍ୟାପକ କ୍ଷତି
ମଙ୍ଗଳବାର ବିଳମ୍ବିତ ରାତିରେ ରାଶିବାଡି ଗାଁ ନିକଟକୁ ହାତୀପଲ ମାଡି ଆସିଥିଲେ । ଗ୍ରାମ ଠାରୁ ଦୂରରେ ଚାଷ ଜମି ଜଗିବା ଲାଗି ରହିଥିବା ଏକ ଘରକୁ ହାତୀପଲ ଭାଙ୍ଗିବା ସହ ଚାଉଳ ଓ ଅନ୍ୟାନ୍ୟ ଜିନିଷପତ୍ର ନଷ୍ଟ କରିଥିଲେ । ସେହିପରି ଚାଷ ଜମିରେ ପଶି ବ୍ୟାପକ କ୍ଷୟକ୍ଷତି ଘଟାଇଛନ୍ତି ।