ବ୍ରହ୍ମପୁର: କୋରୋନା ସଂକ୍ରମଣରେ ଲଗାମ କଷିବାକୁ ଗଞ୍ଜାମରେ ଦଣ୍ଡନାଚ ଉପରେ ଲାଗିଲା କଟକଣା । କେବଳ 25 ଜଣଙ୍କୁ ନେଇ ହେବ ଦଣ୍ଡନାଚ । ଏ ନେଇ ଶନିବାର ଜିଲ୍ଲା ପ୍ରଶାସନ ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି ।
କଟକଣାରେ ଦଣ୍ଡନାଚ, 25 ଜଣଙ୍କୁ ମିଳିବ ଅନୁମତି ଦଣ୍ଡନାଚରେ କଟକଣା ସହ ରାତି ସମୟରେ କୌଣସି ସାଂସ୍କୃତିକ କାର୍ଯ୍ୟକ୍ରମ ହେବନାହିଁ ବୋଲି କୁହାଯାଇଛି । ଏଥିସହ ତାରା-ତାରିଣୀ ପୀଠରେ ମୁଣ୍ଡନ କରାଯାଇ ପାରିବ ନାହିଁ । ଜିଲ୍ଲାରେ ଦୋକାନୀମାନେ କୋଭିଡ ଗାଇଡଲାଇନର ପଞ୍ଜସୂତ୍ରୀ ନିୟମ ପାଳନ କରିବାକୁ ପରାମର୍ଶ ମଧ୍ୟ ଦିଆଯାଇଛି । ସେହିଭଳି ଆବଶ୍ୟକ ନଥିଲେ ଘରେ ରହି ସୁରକ୍ଷିତ ରହିବାକୁ ପରାମର୍ଶ ଦିଆଯାଇଛି ।
ରାଜ୍ୟର ଜନବହୁଳ ଜିଲ୍ଲା ଗଞ୍ଜାମର ପ୍ରସିଦ୍ଧ ଲୋକକଳା ହେଉଛି ଦଣ୍ଡନାଚ । ଚୈତ୍ର ମାସରେ ଜିଲ୍ଲାର ବିଭିନ୍ନ ସ୍ଥାନରେ ଦଣ୍ଡନାଚ ଆୟୋଜିତ ହୋଇଥାଏ । ଏଥିପାଇଁ ବହୁ ପ୍ରବାସୀ ଓଡିଆ ବାହାରୁ ଆସି ଏଥିରେ ଯୋଗ ମଧ୍ୟ ଦେଉଛନ୍ତି । ଆଉ ଦଣ୍ଡନାଚ ଦେଖିବାକୁ ମଧ୍ୟ ପ୍ରବଳ ସଂଖ୍ୟାରେ ଜନସମାଗମ ହୁଏ । ଏଣୁ କୋଭିଡ ସଂକ୍ରଣକୁ ଦୃଷ୍ଟିରେ ରଖି ଜିଲ୍ଲାରେ ହେଉଥିବା ବିଭିନ୍ନ ଜନସମାଗମ କାର୍ଯ୍ୟକ୍ରମ ପାଇଁ କଟକଣା ଜାରି ହୋଇଛି ।
ପ୍ରକାଶ ଯେ, ଶୁକ୍ରବାର ଗଞ୍ଜାମରେ 13 ଜଣ କୋଭିଡ ଆକ୍ରାନ୍ତ ନେଇ ରିପୋର୍ଟ ପ୍ରକାଶ ହୋଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
