ଭଞ୍ଜନଗର: ଶ୍ମଶାନରେ କୁଢ କୁଢ ଆବର୍ଜନା । କୌଣସି ଲୋକଙ୍କ ଦେହାନ୍ତ ପରେ ଏକ ଅବ୍ୟବସ୍ଥା ପରିବେଶ ମଧ୍ୟରେ କରାଯାଉଛି ମୃତଦେହ ସତ୍କାର । ଏଭଳି ଅବ୍ୟବସ୍ଥା ଦେଖିବାକୁ ମିଳିଛି ଗଞ୍ଜାମର ବେଲଗୁଣ୍ଠା NACରେ ।
ବେଲଗୁଣ୍ଠା NAC ରେ ଶ୍ମଶାନରେ କୁଢ କୁଢ ଆବର୍ଜନା, ପୁନରୁଦ୍ଧାର ପାଇଁ ଲୋକଙ୍କ ଦାବି
ବେଲଗୁଣ୍ଠା NACରେ ମୃତଦେହ ସତ୍କାର କରିବା ପାଇଁ ଲୋକମାନଙ୍କୁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ବେଲଗୁଣ୍ଠା ସୁତୁମୁସର ରାସ୍ତାରେ ଥିବା ଶ୍ମଶାନରେ ଏବେ କୁଢ଼ କୁଢ଼ ଅଳିଆ ଗଦା କରୁଛି NAC । ଯାହା ଫଳରେ ଦୁର୍ଗନ୍ଧରେ ନାକ ଫାଟିଯାଉଛି । ଅପରିଷ୍କାର ପାଣି ଲହଡା ମାରୁଛି ସେ ଭିତରେ ଲୋକମାନେ ମୃତ ବ୍ୟକ୍ତିଙ୍କୁ ସତ୍କାର କରିବାକୁ ଆଣିଥାନ୍ତି ।