ବ୍ରହ୍ମପୁର: କୋଭିଡ୍ ହସପିଟାଲ ବନ୍ଦ କରିବାକୁ ଜିଲ୍ଲା ପ୍ରଶାସନର ନିଷ୍ପତ୍ତି । ଗଞ୍ଜାମ ଜିଲ୍ଲାରେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଖୋଲାଯାଇଥିବା ତିନୋଟି ଡେଡିକେଟ୍ କୋଭିଡ୍ ହସପିଟାଲ ମଧ୍ୟରୁ ଦୁଇଟି କୋଭିଡ ହସପିଟାଲକୁ ବନ୍ଦ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି ।
ବ୍ରହ୍ମପୁର ଉପକଣ୍ଠ ଶୀତଳାପଲ୍ଲୀ ଠାରେ ଚାଲିଥିବା ଟାଟା କୋଭିଡ୍ ହସପିଟାଲକୁ ଆସନ୍ତା ୨୦ ତାରିଖ ଠାରୁ ବନ୍ଦ କରିବା ପାଇଁ ଏହାର ପରିଚାଳନା ଦାୟିତ୍ୱ ଦିଆଯାଇଥିବା ହାଇଟେକ୍ ମେଡିକାଲ କଲେଜ ଏବଂ ହସପିଟାଲ କର୍ତ୍ତୃପକ୍ଷଙ୍କୁ ଚିଠି ଲେଖାଯାଇଛି । ତେବେ ସହର ଉପକଣ୍ଠ ଗୋଳନ୍ଥରା ଅଶ୍ୱିନୀ କୋଭିଡ୍ ହସପିଟାଲକୁ ମଧ୍ୟ ଡିସେମ୍ବର ଶେଷ ସୁଦ୍ଧା ବନ୍ଦ କରିବାକୁ କୁହାଯାଇଛି ।