ବ୍ରହ୍ମପୁର: କାଶୀବିଶ୍ୱନାଥପୁର ମନ୍ଦିର ପଛପଟ ଜଙ୍ଗଲରୁ ପ୍ରେମୀଯୁଗଳଙ୍କ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର । ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ କମଳାପୁର ଗାଁର ଘଟଣା । ଘଟଣାସ୍ଥଳରେ ଦିଗପହଣ୍ଡି ଥାନା ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସୂଚନାଥାଉକି, ଦିଗପହଣ୍ଡି ଥାନା ଅନ୍ତର୍ଗତ ବି.ତୁରୁଗୁଡି ପଞ୍ଚାୟତର ଝରିପଦର ଗାଁର ଦିବାନା ରେଡ୍ଡିଙ୍କ ସହ ଚୈତନ୍ୟପୁର ଗାଁର ଆର୍ ଲକ୍ଷ୍ମୀ ରେଡ୍ଡିଙ୍କ ସହ ପ୍ରେମସମ୍ପର୍କ ଗଢି ଉଠିଥିଲା । ଏହାପରେ ଦୁହିଁଙ୍କ ପରିବାରବର୍ଗ ଉଭୟଙ୍କ ନିର୍ବନ୍ଧ କରିଥିଲେ । କିନ୍ତୁ ଶନିବାର ଦିନ ଜଙ୍ଗଲ ମଧ୍ୟରେ ଦୁହିଁଙ୍କର ମୃତଦେହ ପଡିଥିବା ସ୍ଥାନୀୟ ବାସିନ୍ଦା ଦେଖିଥିଲେ । ଏହାପରେ ସ୍ଥାନୀୟ ବାସିନ୍ଦା ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଦିଗପହଣ୍ଡି ଥାନା ଅଧିକାରୀ ଗୌରାଙ୍ଗ ଚରଣ ସାହୁ ଓ ଚିକିଟି ଏସ୍.ଡି.ପି.ଓ ଏସ୍.ଏନ୍.ମୂର୍ମୁ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।