ବ୍ରହ୍ମପୁର: ବସଷ୍ଟାଣ୍ଡ କାର୍ଯ୍ୟକ୍ଷମ ପାଇଁ ଜିଲାପ୍ରଶାସନ ପକ୍ଷରୁ ବସ୍ ମାଲିକ ସଂଘ ଓ ପୋଲିସ ଅଧିକାରୀ ଙ୍କୁ ନେଇ ଆୟୋଜିତ ହୋଇଯାଇଛି ଗୁରୁତ୍ୱପୂର୍ଣ୍ଣ ଆଲୋଚନା । ବର୍ତ୍ତମାନର ସିଟି ବସଷ୍ଟାଣ୍ଟ ପରିସରରୁ ସରକାରୀ ବସ୍ ଗୁଡିକୁ ହଳଦିଆପଦର କୁ ପ୍ରଥମେ ଚଳାଚଳ କରିବ । ସହରରେ ଟ୍ରାଫିକ ବ୍ୟବସ୍ଥା ସୁଧାରିବା ପାଇଁ ବସ ଷ୍ଟପେଜ ଠାରୁ ଆରମ୍ଭ କରି ରାସ୍ତା କଡରେ ବେଆଇନ ଭାବରେ ବସ୍ ଗୁଡିକୁ ପାର୍କିଙ୍ଗ୍ ନେଇ ଉପୁଜିଥିବା ସମସ୍ୟାର ସମାଧାନ ପାଇଁ ସମସ୍ତଙ୍କ ସହଯୋଗର ଆହ୍ୱାନ କରାଯାଇଛି ।
ଫଟୋ ସୌଜନ୍ଯ: ସମ୍ବାଦାଦାତା, ବ୍ରହ୍ମପୁର
ରାଜ୍ୟ ସରକାରଙ୍କ ପକ୍ଷରୁ ସହରର ଟ୍ରାଫିକ ବ୍ୟବସ୍ଥା ସୁଧାରିବା ପାଇଁ ହଳଦିଆପଦର ଠାରେ ନିର୍ମିତ ହୋଇଛି ନୂତନ ବସଷ୍ଟାଣ୍ଡ । ହେଲେ ଉଦଘାଟନ ପରଠାରୁ ବସଷ୍ଟାଣ୍ଡରେ କେତେକ ବୈଷୟିକ ତ୍ରୁଟି କାରଣକୁ ନେଇ ଅଦ୍ୟାବଧି କାର୍ଯ୍ୟକ୍ଷମ ହୋଇନପାରିବା ନେଇ ବାରମ୍ୱାର ପ୍ରତିବାଦ କରାଯାଇଛି । ପରେ ଗଞ୍ଜାମ ଜିଲ୍ଲାପ୍ରଶାସନ ପକ୍ଷରୁ ହଳଦିଆପଦର ବସଷ୍ଟାଣ୍ଡକୁ କାର୍ଯ୍ୟକ୍ଷମ କରିବା ପାଇଁ ନିଆଯାଇଛି ଗୁରୁତ୍ୱପୂର୍ଣ୍ଣ ବୈଠକ ।