ବ୍ରହ୍ମପୁର: ରାଜ୍ୟରେ ପଞ୍ଚାୟତ ନିର୍ବାଚନ ପୂର୍ବରୁ ପୁଣି ରକ୍ତମୁଖା ମାଓବାଦୀ । କଳାହାଣ୍ଡି ଜିଲ୍ଲାର ଜଣେ କାର୍ଯ୍ୟରତ ସାମ୍ବାଦିକ ରୋହିତ ବିଶ୍ୱାଳଙ୍କ ଅକାଳ ବିୟୋଗରେ ସାରା ରାଜ୍ୟରେ ଖେଳିଯାଇଛି ଶୋକର ଛାୟା । ଲ୍ୟାଣ୍ଡମାଇନ ବିସ୍ଫୋରଣରେ ରାଜ୍ୟର କଳାହାଣ୍ଡି ଜିଲ୍ଲାର ଜଣେ କାର୍ଯ୍ୟରତ ସାମ୍ବାଦିକଙ୍କ ମୃତ୍ୟୁ ଘଟଣାରେ ବ୍ରହ୍ମପୁରରେ ପ୍ରେସ କ୍ଳବ୍ ପକ୍ଷରୁ କ୍ୟାଣ୍ଡେଲ ରାଲି ସହ ଶୋକସଭା କରାଯାଇଛି ।
ବ୍ରହ୍ମପୁରରେ ଲ୍ୟାଣ୍ଡମାଇନ ବିସ୍ଫୋରଣରେ ପ୍ରାଣ ହରାଇଥିବା ସାମ୍ବାଦିକଙ୍କ ପାଇଁ କ୍ୟାଣ୍ଡେଲ ରାଲି
ବ୍ରହ୍ମପୁର ଗାନ୍ଧୀନଗର ଛକ ନିକଟରେ ଗାନ୍ଧୀଙ୍କ ପ୍ରତିମୂର୍ତ୍ତି ନିକଟରେ ଶୋକସଭାର ଆୟୋଜନ ହେବା ସହ କ୍ୟାଣ୍ଡେଲ୍ ରାଲିସହର ପରିକ୍ରମା କରାଯାଇଥିଲା। ଏଥିରେ ବ୍ରହ୍ମପୁର ବିଧାୟକ ବିକ୍ରମ ପଣ୍ଡାଙ୍କ ସମେତ ବ୍ରହ୍ମପୁର ଏସପି ପିନାକ ମିଶ୍ର ଏବଂ ପୋଲିସ ବିଭାଗର ବରିଷ୍ଠ ଅଧିକାରୀ, ବ୍ରହ୍ମପୁର ଏସଡିପିଓ ବିଷ୍ଣୁ ପ୍ରସାଦ ପତି, ଟାଉନଥାନା ଅଧିକାରୀ ସୁରେଶ ତ୍ରିପାଠୀ,ବଡ଼ବଜାର ଥାନା ଅଧିକାରୀ ପ୍ରଶାନ୍ତ ଭୂପତିଙ୍କ ସମେତ ବହୁ ପୋଲିସ କର୍ମଚାରୀ ସାମିଲ ହୋଇଥିଲେ ।