ଅବକାରୀ ବିଭାଗର ଚଢାଉ, 20 ଲିଟର ଦେଶୀ ମଦ ସହ 2 ଗିରଫ

ଭଞ୍ଜନଗର ଅବକାରୀ ବିଭାଗ ଦ୍ୱାରା ବାଇକ ସହ 20 ଲିଟର ଦେଶୀ ମଦ ଜବତ କରିବା ସହ ଦୁଇ ଜଣ ମଦ ବ୍ୟବସାୟୀଙ୍କୁ ଗିରଫ କରିଛି ।ସେମାନଙ୍କୁ ମେଡିକାଲ ଟେଷ୍ଟ ପରେ କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରୀ କହିଛନ୍ତି ।

ଭଞ୍ଜନଗର: କୋରୋନା ମହାମାରୀରେ ସାରା ରାଜ୍ୟ ଲକଡାଉନ ଥିବାବେଳେ ମଦ ମାଫିଆ ମାନେ ସକ୍ରିୟ ହୋଇ ଉଠିଛନ୍ତି । ଭଞ୍ଜନଗର ଅବକାରୀ ବିଭାଗ ବାଇକ ସହ 20 ଲିଟର ଦେଶୀ ମଦ ଜବତ ଏହା ସହ ଦୁଇ ଜଣଙ୍କୁ ଗିରଫ କରାଯାଇଛି ।

ସୂଚନା ଅନୁସାରେ ଗଞ୍ଜାମ ଜିଲ୍ଲା ଭଞ୍ଜନଗର ଅଞ୍ଚଳର ଜି ରମ୍ଭାରୁ ବାଇକ ଯୋଗେ ଦେଶୀ ମଦ ମୁଜାଗଡ଼ ଆସୁଥିବା ଜଣାପଡିଥିଲା । କୌଣସି ସୂତ୍ରରୁ ଖବର ପାଇ ଭଞ୍ଜନଗର ଅବକାରୀ ବିଭାଗର କର୍ମଚାରୀ ମାନେ ନିଧିଆ ପଲ୍ଲୀ ଛକ ଠାରେ କାବୁ କରିଥିଲେ । ଅବକାରୀ ବିଭାଗ ଦୁଇ ଜଣଙ୍କୁ ଗିରଫ କରିବା ସହ ବାଇକ ଓ 20 ଲିଟର ଦେଶୀ ମଦ ଜବତ କରିଛି । ଗିରଫ ଦୁଇଜଣ ମଦ ବ୍ୟବସାୟୀ ହେଲେ ମୁଜାଗଡ଼ ଗ୍ରାମର କାଶୀ ପ୍ରଧାନ ,ଚିତ୍ତ ରଞ୍ଜନ ସ୍ବାଇଁ । ସେମାନଙ୍କୁ ମେଡିକାଲ ଟେଷ୍ଟ ପରେ କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରୀ ପାର୍ଥସାରଥୀ ରାଉତ କହିଛନ୍ତି ।

ଭଞ୍ଜନଗରରୁ ରଞ୍ଜନ ସ୍ବାଇଁ,ଇଟିଭି ଭାରତ