ଭଞ୍ଜନଗର ଅବକାରୀ ବିଭାଗର ଚଢାଉ, 3 ମଦ ବେପାରୀ ଗିରଫ

ଚୋରା ବେପାର କରୁଥିବା 3ଜଣଙ୍କୁ ଗଞ୍ଜାମ ଜିଲ୍ଲା ଭଞ୍ଜନଗର ଅବକାରୀ ବିଭାଗ ଗିରଫ କରି କୋର୍ଟ ଚାଲାଣ କରାଯାଇଛି ।

ଭଞ୍ଜନଗର: କୋରୋନା ପାଇଁ ସାରା ଦେଶ ଲକଡାଉନ । ଦୋକାନ ବଜାର ବନ୍ଦ ଥିବାବେଳେ ଚୋରାମଦ ବେପାରୀ ସକ୍ରିୟ ହୋଇଉଠିଛନ୍ତି । ତେବେ ଗୁରୁବାର ଦିନ ଚୋରା ବେପାର କରୁଥିବା 3ଜଣଙ୍କୁ ଗଞ୍ଜାମ ଜିଲ୍ଲା ଭଞ୍ଜନଗର ଅବକାରୀ ବିଭାଗ ଗିରଫ କରି କୋର୍ଟ ଚାଲଣ କରିଛି । ସେମାନଙ୍କ ଠାରୁ 60 ଲିଟର ଦେଶୀ ମଦ ଜବତ କରାଯାଇଛି ।

ଗିରଫ ବ୍ୟକ୍ତିମାନେ ହେଲେ ଆକାଶ ନାୟକ, ମିଟୁ ନାୟକ ଓ ଚରଣ ନାୟକ । ସୂଚନାଥାଉକି, 3 ଜଣ ଚୋରା ମଦ ଧରି ଗଣ୍ଡାଧାର ଗ୍ରାମରୁ ଚୋପରା ଯାଉଥିବାବେଳେ ଚିକିଲି ଗ୍ରାମଠାରେ ଅବକାରୀ ବିଭାଗ କାବୁ କରି ଗିରଫ କରିଥିଲା ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ