ବ୍ରହ୍ମପୁରରେ ବୋମଲା କୋଲୁବୁ ପୂଜା

ଶାରଦୀୟ ଦୁର୍ଗା ପୂଜା ସମୟରେ ବ୍ରହ୍ମପୁରରେ ତେଲୁଗୁ ସମ୍ପ୍ରଦାୟର ଲୋକମାନେ ବୋମଲା କୋଲୁବୁ ପୂଜା କରିଥାନ୍ତି । ଏହି ପୂଜା ସମୟରେ ବିଭିନ୍ନ ପ୍ରକାରର କଣ୍ଢେଇ ନେଇ ପୂଜା କରାଯାଏ। ଅଧିକ ପଢନ୍ତୁ..........

ବ୍ରହ୍ମପୁର: ଶାରଦୀୟ ଦୁର୍ଗା ପୂଜାକୁ ନେଇ ପୁରଠୁ ପଲ୍ଲୀ ସବୁ ଉତ୍ସବ ମୁଖର । ପୂଜା ମଣ୍ଡପ ଠାରୁ ଆରମ୍ଭ କରି ବିଭିନ୍ନ ଦେବୀ ପୀଠରେ ପୂଜା ପାଉଛନ୍ତି ମା’ ଦୁର୍ଗା । ମାଆଙ୍କୁ ଦର୍ଶନ କରିବାକୁ ବିଭିନ୍ନ ସ୍ଥାନରେ ଭିଡ ଜମୁଛି ।

ନବରାତ୍ରର ତୃତୀୟ ଦିବସରୁ ଦଶହରା ପର୍ଯ୍ୟନ୍ତ ରେଶମ ସହର ବ୍ରହ୍ମପୁରରେ ଆୟୋଜିତ ହୋଇଥାଏ ବୋମଲା କୋଲୁବୁ ପୂଜା । ବ୍ରହ୍ମପୁର ସହରରେ ରହୁଥିବା ତେଲୁଗୁ ଭାଷାଭାଷୀ ଅଞ୍ଚଳ ବାସିନ୍ଦା ଏହି ପୂଜାକୁ ବର୍ଷ ବର୍ଷ ଧରି ପାରମ୍ପରିକ ରୀତିନୀତିରେ ଆୟୋଜନ କରି ଆସୁଛନ୍ତି । ମୁଖ୍ୟତଃ ବ୍ରହ୍ମପୁର ସହରରେ ବହୁ ମାତ୍ରାରେ ତେଲୁଗୁ ପରମ୍ପରା ଜଡିତ ରହିଥିବାରୁ ଏହି ପୂଜାକୁ ଅନେକ ଭକ୍ତିର ସହ ସମ୍ପାଦନ କରିଥାନ୍ତି । ଏହି ପୂଜାରେ ବହୁ ମାତ୍ରାରେ କଣ୍ଢେଇକୁ ରଖାଯାଇ ମା’ ଦୁର୍ଗାଙ୍କୁ ଆବାହନ କରାଯିବା ସହ ମାଆଙ୍କ ସହ ବିଭିନ୍ନ ଦେବଦେବୀଙ୍କୁ ପୂଜା କରାଯାଇଥାଏ ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ