ଗଞ୍ଜାମରୁ ପୁଣି 20 ବସ୍ତା ଗଞ୍ଜେଇ ଜବତ

ଗଞ୍ଜାମ ଜିଲ୍ଲା ସୋରଡା ବ୍ଲକ ଗାଙ୍ଗପୁର ଛକରେ ବଡଗଡ ବନବିଭାଗ 20 ବସ୍ତା ଗଞ୍ଜେଇ ଜବତ କରିଛି । ଏହାର ମୂଲ୍ୟ 3 ଲକ୍ଷ 60 ହଜାର ହେବ ।

ଭଞ୍ଜନଗର : ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ଗାଙ୍ଗପୁରରୁ 20 ବସ୍ତା ଗଞ୍ଜେଇ ଜବତ କରିଛି ବଡ଼ଗଡ଼ ବନବିଭାଗ । ବର୍ତ୍ତମାନ ପର୍ଯ୍ୟନ୍ତ କେହି ଗିରଫ ହୋଇନାହାନ୍ତି ।

ଗୋଟିଏ ଧଳା ଅଟୋରେ ଗଞ୍ଜେଇ ଲୋଡ଼ହୋଇ ଗାଙ୍ଗପୁର ଛକ ରାସ୍ତା ପାର୍ଶ୍ବରେ ଠିଆ ହୋଇଥିଲା । ସନ୍ଦେହରେ ବଡ଼ଗଡ଼ ବନବିଭାଗର କର୍ମଚାରୀ ଯାଞ୍ଚ କରିଥିଲେ। ଯାଞ୍ଚ ସମୟରେ 20 ବସ୍ତା ଗଞ୍ଜେଇ ଜବତ କରାଯାଇଛି । ଅଟୋ ନିକଟରେ ଡ୍ରାଇଭର ନ ଥିବାବେଳେ ଅଟୋକୁ ଜବତ କରି ସୋରଡ଼ା ଅବକାରୀ ବିଭାଗକୁ ହସ୍ତାନ୍ତର କରାଯାଇଛି । ସମୁଦାୟ ଗଞ୍ଜେଇର ଓଜନ 600 କେଜି ଓ ଏହାର ଆନୁମାନିକ ମୂଲ୍ୟ 3 ଲକ୍ଷ 60 ହଜାର ହେବବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି । ଏହି ଘଟଣାରେ ବର୍ତ୍ତମାନ ପର୍ଯ୍ୟନ୍ତ କେହି ଗିରଫ ହୋଇନାହାନ୍ତି । ଅବକାରୀ ବିଭାଗ ଆଜି କୋର୍ଟରେ ଜିମାଦେବେ ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ