ଭଞ୍ଜନଗର: ଗଞ୍ଜାମ ଜିଲ୍ଲା ବୁଗୁଡା ଥାନା ମଙ୍ଗରାଜପୁର ଡାଙ୍ଗି ସାହିରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଶାଶୁ ଘର ଲୋକଙ୍କ ନୃଶଂସତାର ଶିକାର ହୋଇଛି ଜଣେ ନବବଧୂ । ଅତି ନିର୍ଦ୍ଦୟ ଭାବେ ତାଙ୍କ ଉପରେ ହୋଇଛି ଅତ୍ୟାଚାର ।
ବୁଗୁଡା ଥାନା ମାଣିତରା ପଞ୍ଚାୟତ ମଙ୍ଗରାଜପୁର ଗ୍ରାମରେ ଶାଶୁ, ଶ୍ବଶୁର ମିଶି ବୋହୂର ହାତ, ଗୋଡ଼ ବାନ୍ଧି ପାଟିରେ କନା ଚୁଣ୍ଟା ଦେଇ ଘର ବାହାରେ ଥିବା ଏକ ଡୋଲିରେ ଗତକାଲି ରାତିରେ ପକାଇ ଦେଇଥିଲେ । ରାତି ସାରା ଥଣ୍ଡା କାକରରେ ପଡି ରହିଥିବାବେଳେ ଗ୍ରାମର ଲୋକମାନେ କୌଣସି ସୂତ୍ରରୁ ଖବର ପାଇ ଆଜି(ସୋମବାର) ସକାଳୁ ମହିଳାଙ୍କୁ ଉଦ୍ଧାର କରି 108 ଆମ୍ବୁଲାନ୍ସ ମାଧ୍ୟମରେ ବୁଗୁଡା ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚାଇ ଚିକିତ୍ସା ପାଇଁ ଭର୍ତ୍ତି କରିଥିଲେ । ସେ ଅଧିକ ଗୁରୁତର ଥିବାରୁ ବ୍ରହ୍ମପୁର ମେଡିକାଲକୁ ପଠାଇ ଦିଆଯାଇଛି ।
ଗଞ୍ଜାମ ଯୌତୁକ ପାଇଁ ବୋହୂକୁ ହତ୍ୟା ଉଦ୍ୟମ