ବ୍ରହ୍ମପୁର: ଦେଶର ସର୍ବଶ୍ରେଷ୍ଠ ଥାନା ଭାବେ ଗଞ୍ଜାମର ଆସିକା ଥାନା ହୋଇଛି ପୁରସ୍କୃତ । ନୂଆଦିଲ୍ଲୀଠାରେ ଚାଲିଥିବା ଡିଜିପି ସମ୍ମିଳନୀରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆସିକା ଥାନାର ଥାନାଧିକାରୀ ପ୍ରଶାନ୍ତ କୁମାର ସାହୁଙ୍କୁ ଟ୍ରଫି ସହ ମାନପତ୍ର ପ୍ରଦାନ କରିଛନ୍ତି । ଗତବର୍ଷ ମଧ୍ୟ ଆସିକା ଥାନାକୁ ଦେଶର ସର୍ବଶ୍ରେଷ୍ଠ ଥାନା ଭାବେ ପୁରସ୍କୃତ କରାଯାଇଥିଲା ।
୨୦୨୨ ମସିହାରେ ପୋଲିସ ଥାନା ରାଙ୍କିଙ୍ଗରେ ଓଡିଶାର ଆସିକା ଥାନା ଦେଶର ସମସ୍ତ ଥାନକୁ ପଛରେ ପକାଇ ପ୍ରଥମ ହୋଇଥିଲା । ଏହି ସମ୍ମିଳନୀରେ ଆମ ରାଜ୍ୟର ପୋଲିସ ମହାନିର୍ଦ୍ଦେଶକ ସୁନୀଲ କୁମାର ବଂଶଲ ଯୋଗ ଦେଇଥିବା ବେଳେ ବିଭିନ୍ନ ରାଜ୍ୟର ପୋଲିସ ମହାନିର୍ଦ୍ଦେଶକ ସମେତ ପୋଲିସ ବିଭାଗର ବହୁ ବରିଷ୍ଠ ଅଧିକାରୀମାନେ ଉପସ୍ଥିତ ରହିଥିଲେ । ମୁଖ୍ୟତଃ ଥାନାର ଭୂତ୍ତିଭୂମି ହେଉଥିବା ମାମଲାର ଚାର୍ଜସିଟି ହାର, ନିର୍ଦ୍ଧାରିତ ସମୟରେ ଚାର୍ଜସିଟି ଦାଖଲ ଓ ଦୋଷୀ ସାବ୍ୟସ୍ତ ହାର ସହିତ ମହିଳା ଓ ଦୁର୍ବଳ ପକ୍ଷଙ୍କ ବିରୋଧରେ ହେଉଥିବା ଅପରାଧ ମାନଦଣ୍ଡକୁ ଦୃଷ୍ଟିରେ ରଖି ଏହି ଚୟନ କରାଯାଇଛି ।