ବ୍ରହ୍ମପୁର: ଦିନକୁ ଦିନ ସାଙ୍ଘାତିକ ହେଉଛି କୋରୋନାର ଦ୍ବିତୀୟ ଲହର । ମହାମାରୀ କେତେ ଯେ ଜୀବନ ନେଲାଣି ତାହା ହିସାବ ବାହାରେ । ଏ ଭିତରେ ଜଣେ ଅଙ୍ଗନୱାଡି କର୍ମୀଙ୍କ ଜୀବନ ନେଇଛି କିଲର କୋରୋନା । ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ବ୍ଲକ ଅଧିନରେ ଥିବା ପଦରବାଲି ଅଞ୍ଚଳରେ ଜଣେ ଅଙ୍ଗନୱାଡୀ କର୍ମୀ ଦୀପ୍ତିମୟୀ ଦେବୀ କୋରୋନାରେ ଆଖି ବୁଜିଛନ୍ତି ।
ସେ କିଛିଦିନ ତଳେ କୋରୋନାରେ ଆକ୍ରାନ୍ତ ହୋଇ ବ୍ରହ୍ମପୁର କୋଭିଡ ହସ୍ପିଟାଲରେ ଚିକିତ୍ସା ହେଉଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଦିପ୍ତିମୟୀ ଦେବୀ ଗର୍ଭବତୀ ଥିଲେ ଓ ସନ୍ତାନ ଜନ୍ମ କରିବା ପରେ କୋଭିଡ ହସ୍ପିଟାଲରେ ହିଁ ତାଙ୍କର ମୃତ୍ୟୁ ହୋଇଛି । କୋଭିଡ୍ ଗାଇଡଲାଇନ ଅନୁସାରେ ବ୍ରହ୍ମପୁରରେ ତାଙ୍କ ଅନ୍ତିମ ସଂସ୍କାର କରାଯାଇଛି ।