ଭଞ୍ଜନଗର: ଗ୍ରାମାଞ୍ଚଳରେ ଜଳ ଯୋଗାଣ ପ୍ରକଳ୍ପ ନିର୍ମାଣ ନିମନ୍ତେ କେନ୍ଦ୍ର ଓ ରାଜ୍ୟ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ସରକାରଙ୍କ ଅନେକ ସୁବିଧା ଥାଇ ସୁଦ୍ଧା ରାଜ୍ୟର ଅନେକ ସ୍ଥାନରେ ଜଳ ସଙ୍କଟ ଲାଗିରହିଛି । ହେଲେ ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ବଡଗଡ ପଞ୍ଚାୟତର ଶଗଡ଼ବସା ଗାଁର ଲୋକେ ଏ ଭିନ୍ନ ଉପାୟ ଆପଣେଇଛନ୍ତି । ଏମିତି ଏକ ଯୋଜନା କରିଛନ୍ତି ଯାହା ଜଳ ଯୋଗାଣ ନିମନ୍ତେ ନା ବିଦ୍ୟୁତ ର ଆବଶ୍ୟକତା ପଡୁଛି ନା ମୋଟରର ଆବଶ୍ୟକତା ରହିଛି ।
ୱାଟର ପ୍ରୋଜେକ୍ଟ; ନା ଦରକାର ବିଜୁଳି ନା ଦରକାର ମୋଟର
ସୋରଡ଼ା ବ୍ଲକ ବଡଗଡ ପଞ୍ଚାୟତର ଶଗଡ଼ବସା ଗ୍ରାମ । ଯେଉଁଠି କୋଡିଏ ଆଦିବାସୀ ପରିବାର ବସବାସ କରୁଛନ୍ତି । ହେଲେ ଦୀର୍ଘ ବର୍ଷ ଧରି ଏଠାରେ ବସବାସ କରୁଥିବାବେଳେ ସରକାରଙ୍କ ସମସ୍ତ ମୌଳିକ ସୁବିଧାରୁ ଏମାନେ ବଞ୍ଚିତ । ମାତ୍ର ସରକାରଙ୍କ ସହାୟତାକୁ ଅପେକ୍ଷା ନକରି ନିଜସ୍ବ ଜ୍ଞାନକୌଶଳରେ ତିଆରି କରିଛନ୍ତି ଜଳଯୋଗାଣ ପ୍ରକଳ୍ପ । ଯେଉଁଥିରେ ନା ଆବଶ୍ୟକତା ପଡୁଛି ବିଜୁଳି ନା ଆବଶ୍ୟକତା ପଡୁଛି ମୋଟର ।