ବ୍ରହ୍ମପୁର: ପବିତ୍ର ଅକ୍ଷୟ ତୃତୀୟା ତଥା ବୃଷ ସଂଙ୍କ୍ରାନ୍ତି ଅବସରରେ ମାଆ ତାରାତାରିଣୀ ମନ୍ଦିରରେ ରୀତିନୀତି ଅନୁଯାୟୀ ହୋଇଛି ପୁଜାର୍ଚ୍ଚନା । କୋରୋନାର ଦ୍ୱିତୀୟ ଲହର କୁ ଦୃଷ୍ଟି ରେ ରଖି ମନ୍ଦିରରେ ଭକ୍ତଙ୍କ ପ୍ରବେଶ କଟକଣା ରହିଛି ।
ଏଣୁ ଭକ୍ତଙ୍କ ବିନା କେବଳ ସୀମିତ ସେବାୟତ ଓ ପୂଜକ ମାନେ ମାଆଙ୍କ ପୁଜାର୍ଚ୍ଚନା କରିଛନ୍ତି । ରାଜ୍ୟର ଏକ ପ୍ରମୁଖ ଶକ୍ତିପୀଠ ଭାବେ ମାଆ ତାରାତାରିଣୀଙ୍କ ମନ୍ଦିରରେ ବର୍ଷତମାମ ବହୁ ଭକ୍ତଙ୍କ ସମାଗମ ହେଉଥିବା ବେଳେ ଗତ କିଛି ଦିନ ଧରି ସରକାରଙ୍କ କଟକଣା ଯୋଗୁଁ ମନ୍ଦିରକୁ ଭକ୍ତଙ୍କ ପ୍ରବେଶ ଉପରେ କଟକଣା ଲାଗିଛି । ସେପଟେ ସଂଙ୍କ୍ରାନ୍ତି ଅବସରରେ ପୂଜକ ମାନେ ଏହି କୋରୋନା ରୂପକ ଅଦୃଶ୍ଯ ମହାମରୀ କିପରି ଦେଶରୁ ବିନାଶ ହେବ , ସେ ନେଇ ମାଆଙ୍କ ପାଖରେ ପ୍ରାର୍ଥନା କରାଯାଇଛି ।