ବ୍ରହ୍ମପୁର: ଗଞ୍ଜାମ ଜିଲ୍ଲାର ବିଭିନ୍ନ ଅଞ୍ଚଳରେ ହୋଇଥିବା ଉନ୍ନୟନମୂଳକ କାର୍ଯ୍ୟର ଅନୁଧ୍ୟାନ କରିଛନ୍ତି ତିନୋଟି ଜିଲ୍ଲାରୁ ଆସିଥିବା ଅଧିକାରୀ ଟିମ୍ । ଗତ କିଛି ଦିନ ତଳେ ରାଜ୍ୟର ବିଭିନ୍ନ ଅଞ୍ଚଳର ବିଧାୟକ, ସାଂସଦ ଓ ମନ୍ତ୍ରୀଙ୍କ ପରେ ବର୍ତ୍ତମାନ ରାଜ୍ୟର ୨୯ଟି ଜିଲ୍ଲାର ସରକାରୀ ଅଧିକାରୀମାନେ ଗସ୍ତ କରି ବିଭିନ୍ନ ଉନ୍ନୟନମୂଳକ କାର୍ଯ୍ୟକୁ ଅନୁଧ୍ୟାନ କରିଛନ୍ତି ।
ଜିଲ୍ଲାରେ ଚାଲିଥିବା ୫-ଟି ହାଇସ୍କୁଲ ଟ୍ରାନ୍ସଫର୍ମେସନ୍ ସହ ବିକାଶମୂଳକ କାର୍ଯ୍ୟ ତଦାରଖ କରିଛନ୍ତି । ବୁଧବାର ପ୍ରଥମ ଦିନରେ ଖୋର୍ଦ୍ଧା, ବୌଦ୍ଧ ଓ କଳାହାଣ୍ଡି ଜିଲ୍ଲାର ବରିଷ୍ଠ ଅଧିକାରୀମାନେ ପହଞ୍ଚିବା ପରେ ତାଙ୍କୁ ଗଞ୍ଜାମ ଜିଲ୍ଲାର ସରକାରୀ ଓ ଅଧିକାରୀ ଓ କର୍ମଚାରୀମାନେ ଏଠାକାର ବିଦ୍ୟାଳୟର ସମ୍ପୂର୍ଣ୍ଣ ରୂପାନ୍ତରିକରଣ, ଏନ୍.ଆର୍.ଇ.ଜି.ଏସ୍ କାର୍ଯ୍ୟ ସହ ବିଭିନ୍ନ ଉନ୍ନୟନ ପ୍ରକଳ୍ପ କାର୍ଯ୍ୟ ବୁଲି ଦେଖାଇଛନ୍ତି । ପର୍ଯ୍ୟଟନ ଦୃଷ୍ଟିରୁ ତାମ୍ପରା ଓ ତାରାତାରିଣୀ, ମହୁରିକାଳୁଆ ଭଳି ପ୍ରମୁଖ ପର୍ଯ୍ୟଟନସ୍ଥଳକୁ ମଧ୍ୟ ଗ୍ରସ୍ତ କରିଛନ୍ତି । ଏହି ପ୍ରଶାସନିକ ଅଧିକାରୀଙ୍କ ମଧ୍ୟରେ ବିଭିନ୍ନ ଜିଲ୍ଲାର ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ, ବିଡ଼ିଓ, ସହକାରୀ ଯନ୍ତ୍ରୀ, ପିଇଓ ଏବଂ ଅନ୍ୟ ପଦାଧିକାରୀମାନେ ସାମିଲ ଥିଲେ ।