ରାସ୍ତାକଡରୁ ନବଜାତକର ମୃତଦେହ ଉଦ୍ଧାର

ଗଞ୍ଜାମ ଜିଲ୍ଲା ବୁଗୁଡା ସହରରେ ଅଭାବନୀୟ ଘଟଣା । ଡାକ୍ତରଖାନା ସାମ୍ନା ରାସ୍ତାକଡରୁ ନବଜାତ ଶିଶୁପୁତ୍ରର ମୃତଦେହ ଉଦ୍ଧାର ହୋଇଛି । ଅଧିକ ପଢନ୍ତୁ...

ଭଞ୍ଜନଗର: ଗଞ୍ଜାମ ଜିଲ୍ଲା ବୁଗୁଡା ସହରରେ ଅଭାବନୀୟ ଘଟଣା । ଆଜି ସକାଳୁ ମେଡିକାଲ ସମ୍ମୁଖ ରାସ୍ତା କଡରୁ ଏକ ନବଜାତ ଶିଶୁପୁତ୍ରର ମୃତଦେହ ପଡିଥିବା ଦେଖିବାକୁ ମିଳିଛି ।

ମୃତଦେହକୁ କୁକୁର ଘୋଷାଡୁ ଥିବାର ଦେଖିବାକୁ ମିଳିଥିଲା । ଗତକାଲି ବିଳମ୍ବିତ ରାତିରେ କେହି ଶିଶୁଟିକୁ ଫୋପାଡି ଦେଇଥିବା ଅନୁମାନ କରାଯାଇଛି । ଶିଶୁଟିକୁ ରାସ୍ତା ଉପରେ ଏପରି କିଏ ଓ କାହିଁକି ଫୋପାଡିଛି ତାହା ଜଣାପଡିନାହିଁ । ଘଟଣାର ଖବର ପାଇ ବୁଗୁଡା ପୋଲିସ ପହଞ୍ଚି ମୃତଦେହଟିକୁ ଉଦ୍ଧାର କରିବା ସହିତ ଘଟଣାର ତଦନ୍ତ ଆରମ୍ଭ କରିଛି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ