ଭଞ୍ଜନଗର: ହାରିଲା କୋରୋନା ଜିତିଲେ ଉଦୟ । ଜଣେ 95 ବର୍ଷୀୟ ବୃଦ୍ଧ କୋରୋନାକୁ ମାତ୍ ଦେଇ ସୁସ୍ଥ ହୋଇ ଘରକୁ ଫେରିଛନ୍ତି । ଗଞ୍ଜାମ ଜିଲ୍ଲା ସୋରଡା ବ୍ଲକ ଚାକୁଣ୍ଡା ଗାଁ ସରବାଡିର 95 ବର୍ଷୀୟ ବୃଦ୍ଧ ଉଦୟନାଥ ବିଷୋୟୀ । ସେ ଗୁରୁତର ଭାବେ କୋରୋନା ସଂକ୍ରମିତ ହୋଇ ବ୍ରହ୍ମପୁର ଉପକଣ୍ଠ ଟାଟା କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ । ହେଲେ ଗତ ଜୁଲାଇ 18ରେ ସେ କୋରୋନାରୁ ସୁସ୍ଥ ହେବା ପରେ ହସ୍ପିଟାଲରୁ ଡିସଚାର୍ଜ ହୋଇଛନ୍ତି ।
ଜଣେ ବୃଦ୍ଧ ହୋଇ କୋରୋନାକୁ ହରାଇବା ଅନ୍ୟମାନଙ୍କ ପାଇଁ ଏହା ପ୍ରେରଣାଦାୟୀ । କୋରୋନା ମୁକ୍ତ ହେବା ପରେ ଉଦୟଙ୍କ ପରିବାର ମଧ୍ୟ ବେଶ ଖୁସି ଅଛନ୍ତି । ସେପଟେ ବୃଦ୍ଧା ଉଦୟ କୋରୋନା ମୁକ୍ତ ହେବା ପରେ ଗଞ୍ଜାମ ଜିଲ୍ଲାପାଳ ଟ୍ବିଟ୍ କରି ଏନେଇ ସୂଚନା ଦେଇଥିଲେ । ଏଥିସହ କୋରୋନା ଲଢେଇର ନେତୃତ୍ବ ନେଇଥିବା ଡାକ୍ତରଙ୍କ ପ୍ରଶଂସା କରିବା ସହ କୋଭିଡ ଯୋଦ୍ଧାଙ୍କୁ ସାଲ୍ୟୁଟ କରିଛନ୍ତି ।
କୋରୋନାକୁ ହରାଇଲେ 95 ବର୍ଷୀୟ ବୃଦ୍ଧ ଉଦୟ, ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ