ବ୍ରହ୍ମପୁର: ସ୍ପଷ୍ଟ ଦିବାଲୋକେ ବୃଦ୍ଧାଙ୍କ ଠାରୁ ସୁନା ଲୁଟିଲେ ଦୁର୍ବୃତ୍ତ । ବୃଦ୍ଧା ମହିଳା ଜଣକ ଚାଲି ଚାଲି ଆସୁଥିବାବେଳେ ଦୁଇ ଜଣ ଆସି ତାଙ୍କ ବେକରୁ ସୁନା ଚେନ ଝାମ୍ପି ନେଇଛନ୍ତି । ଘଟଣାଟି ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ଥାନା ଅନ୍ତର୍ଗତ ବଇଞ୍ଚ ବଣିଆସ୍ଥିତ ଶ୍ୟାମାଳାଇ ନଗର ଅଞ୍ଚଳରେ ଘଟିଛି । ଏହାର ସମ୍ପୂର୍ଣ୍ଣ ଦୃଶ୍ୟ ଏକ ଭିଡିଓରେ କଏଦ ହୋଇଛି ।
ଶନିବାର ଦିନ ୧୨ ଟା ସମୟରେ ସ୍ଥାନୀୟ ଅଞ୍ଚଳର ଜଣେ ୭୨ ବର୍ଷୀୟ ବାସନ୍ତୀ ସାହୁଙ୍କ ଠାରୁ ସୁନା ଲୁଟ ହୋଇଛି । ଦୁଇ ଜଣ ଦୁର୍ବୃତ୍ତ ବାଇକ ଆସି ବେଳେ ଜଣେ ହେଲିମେଟ୍ ପିନ୍ଧି ବୃଦ୍ଧାଙ୍କ ସହିତ ପଛପଟୁ କଥା ହେବାର ଆଳ ଦେଖାଇ ତାଙ୍କୁ ଠେଲି ବେକରୁ ସୁନା ଚେନ ଲୁଟି ନେଇଥିଲେ । ଅନ୍ୟ ଜଣେ ରାସ୍ତା କଡରେ ମୋଟର ସାଇକେଲ ଷ୍ଟାର୍ଟ ରଖି ଅପେକ୍ଷା କରିଥିବା ସିସିଟିଭ ଫୁଟେଜରେ ସମ୍ପୂର୍ଣ୍ଣ ଦେଖାଯାଉଛି । ବୃଦ୍ଧାଙ୍କ ଠାରୁ ସୁନା ଲୁଟ ନେବା ପରେ ଦୁଇ ଲୁଟେରା ବାଇକ ଘଟଣାସ୍ଥଳରୁ ଚମ୍ପଟ ମାରିଛନ୍ତି। ଅନ୍ୟପଟେ ସିସିଟିଭିକୁ ଆଧାର କରି ପୋଲିସ ବିଭିନ୍ନ ଦିଗରୁ ଛାନଭିନ ଆରମ୍ଭ କରିଛି ।