ଗଞ୍ଜାମ: ବୁଗୁଡ଼ା ଥାନା ଅନ୍ତର୍ଗତ କଞ୍ଚୁଡୁ ଗ୍ରାମର ଦୁଇ ଭାଇ ବୁଧବାର ବଡନାଳକୁ ମାଛ ମାରିବାକୁ ଯାଇଥିବାବେଳେ ଜଣେ ନିଖୋଜ । ନିଖୋଜ ବ୍ୟକ୍ତି ଜଣକ ନାମ ଦୀନବନ୍ଧୁ ବେହେରା ବୋଲି ଜଣା ପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଗଞ୍ଜାମ
ଖବର ପାଇ ବୁଗୁଡ଼ା ପୋଲିସ ଏବଂ ଦମକଳ ବାହିନୀ ଖୋଜାଖୋଜି କରୁଥିବା ବେଳେ ବର୍ତମାନ ସୁଦ୍ଧା ଦୀନବନ୍ଧୁଙ୍କ ପତ୍ତା ମିଳିନି । ତଥାପି ଦମକଳ ବାହିନୀ ଅପରେସନ ଜାରିରଖିଛନ୍ତି । ଲଗାଣ ବର୍ଷାରେ ସବୁ ନଦୀନାଳରେ ପାଣି ଭରି ରହିଥିବା ବେଳେ କଞ୍ଚୁଡୁ ଗ୍ରାମର ଦୁଇ ଭାଇ ଦୀନବନ୍ଧୁ ବେହେରା ଓ ସୁବାସ ବେହେରା ମିଶି ବଡନାଳକୁ ମାଛ ମାରିବାକୁ ଆସିଥିଲେ । ଦୁଇ ଭାଇ ଭିନ୍ନ ଭିନ୍ନ ସ୍ଥାନରେ ମାଛ ମାରୁଥିଲେ । କିଛି ସମୟ ପରେ ସୁବାସ ଦୀନବନ୍ଧୁଙ୍କୁ ସେଠାରେ ନ ପାଇ ସେ ଅନ୍ୟତ୍ର ଯାଇଥିବେ ଭାବି ଅପେକ୍ଷା କରିଥିଲେ ମଧ୍ୟ ଦୀନବନ୍ଧୁ ଆଉ ଫେରିନଥିଲେ ।