ଲଗାଣ ବର୍ଷାରେ କାନ୍ଥ ପଡି ଯୁବକ ମୃତ

ଲଗାଣ ବର୍ଷା ହେବା ଫଳରେ ଗଜପତି ଜିଲ୍ଲାର ଗୋଶାଣି ବ୍ଲକ ଅଧିନସ୍ଥ କଇଠଡା ଗ୍ରାମରେ କାନ୍ଥ ପଡି ଯିବାରୁ ଜଣେ ଯୁବକଙ୍କ ମୃତ୍ୟୁ ହୋଇଛି।

ଗଜପତି: ଲଗାଣ ବର୍ଷା ଫଳରେ ଗଜପତିର ଗୋଶାଣି ବ୍ଲକ ଅଧିନସ୍ଥ କଇଠଡା ଗ୍ରାମରେ କାନ୍ଥ ପଡି ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ ହେଉଛନ୍ତି ଏମ୍‌ ରାଜା । ଏ ଖବର ପାଇ ଘଟଣାସ୍ଥଳରେ ଗୁରାଣ୍ଡି ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପାରଳାଖେମୁଣ୍ଡିସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି ।

କଇଠଡା ଗ୍ରାମରେ ଗତ ବୁଧବାର ଠାରୁ ବର୍ଷା ଲାଗି ରହିଥିବା ବେଳେ ରାତିରେ ହଠାତ୍‌ ମୃତକ ରାଜାଙ୍କ ଝାଟିମାଟି ଘରର କାନ୍ଥ ଭୁଷୁଡି ପଡିଥିଲା । ଫଳରେ କାନ୍ଥ ତଳେ ଚାପି ହୋଇଯିବାରୁ ତାଙ୍କର ମୃତ୍ୟୁ ହୋଇଥିଲା ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ