ଗଜପତି: ପାରଳାଖେମୁଣ୍ଡି ନିକଟସ୍ଥ ଅମରା ଏବଂ ଡାଳିମ୍ବପୁର ଗ୍ରାମ ନିକଟରେ ଏକ ଦେଶୀ ରନ୍ଧା ମଦ ଭାଟି ଖୋଲିବାକୁ ଯାଉଛି । ଏହାକୁ ଆସନ୍ତା ୭ ଦିନ ମଧ୍ୟରେ ତୁରନ୍ତ ବନ୍ଦ କରିବାକୁ ଗ୍ରାମବାସୀ ଦାବି କରିଛନ୍ତି । ନଚେତ ଅମରା ଏବଂ ଡାଳିମ୍ବପୁର ଗ୍ରାମ ଲୋକେ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।
ଦେଶୀ ରନ୍ଧା ମଦ ଭାଟି ତୁରନ୍ତ ବନ୍ଦ ପାଇଁ ଗ୍ରାମବାସୀଙ୍କ ଦାବି
ଡାଳିମ୍ବପୁର ମୁଖ୍ୟ ରାସ୍ତା କଡରେ ଅମରା ଠାରୁ ୧୦୦ ମିଟର ଏବଂ ଡାଳିମ୍ବପୁର ଗ୍ରାମ ଠାରୁ ୨୦୦ ମିଟର ଦୂରରେ ଜନବସତି ନିକଟରେ ଏହି ଦେଶୀ ରନ୍ଧା ମଦ କାରଖାନା ଖୋଲିବାକୁ ଯାଉଛି । ପଲ୍ଲୀ ସଭା କିମ୍ବା ଗ୍ରାମସଭାର ବିନା ଅନୁମତିରେ ଏହା କିପରି ସମ୍ଭବ ହେଲା ଏବଂ କିଏ ଅନୁମତି ଦେଲା ଏହାକୁ ନେଇ ପ୍ରଶ୍ନ ଉଠାଇଛନ୍ତି ଗ୍ରାମବାସୀ ।