ଗଜପତି: ସାରା ଦେଶରେ ବର୍ତ୍ତମାନ ଲକଡାଉନ ପରିସ୍ଥିତି । ଗଜପତି ଜିଲ୍ଲାରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ତେବେ କୋରୋନା ଭୁତାଣୁକୁ ନେଇ ସମସ୍ତେ ଚିନ୍ତିତ ଥିବାବେଳେ ଏଭଳି ସ୍ଥିତିରେ ପାରଳାଖେମୁଣ୍ଡି ସହରର ବିଶୋଧନ ପ୍ରକ୍ରିୟା ଆରମ୍ଭ କରିଛି ଗଜପତି ପ୍ରଶାସନ ।
ଗଜପତିରେ ବିଶୋଧନ ପ୍ରକ୍ରିୟା ଆରମ୍ଭ କରିଛି ପ୍ରଶାସନ
ଅଗ୍ନିଶମ କର୍ମଚାରୀମାନେ ହାଇଡ୍ରୋ କ୍ଳୋରାଇଟ ପାଣିକୁ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରୁ ଆରମ୍ଭ କରି ଦୈନିକ ବଜାର ଏବଂ ମୁଖ୍ୟ ରାସ୍ତା ଭଳି ସର୍ବସାଧାରଣ ସ୍ଥାନକୁ ସିଞ୍ଚନ କରିବା ଆରମ୍ଭ କରିଛନ୍ତି । ସହକାରୀ ଅଗ୍ନିଶମ କର୍ମଚାରୀ ସନ୍ତୋଷ ପାଣିଗ୍ରାହୀଙ୍କ ନେତୃତ୍ବରେ ଜାରି ରହିଥିବା ଏହି କାର୍ଯ୍ୟକୁ ପୌର ପିରଷଦର ନିର୍ବାହୀ ଅଧିକାରୀ ତଦାରଖ କରୁଛନ୍ତି ।