ଗଜପତି ଗସ୍ତରେ ସ୍ବତନ୍ତ୍ର ରିଲିଫ କମିଶନର, ବିପନ୍ନଙ୍କୁ ସହାୟତା ମିଳିବା ନେଇ କଲେ ସମୀକ୍ଷା

ତିତଲି କ୍ଷତିଗ୍ରସ୍ତ ଗଜପତିର ପୁନଃଉଦ୍ଧାର ସମୀକ୍ଷା କରିବା ପାଇଁ ସୋମବାର ଜିଲ୍ଲା ଗସ୍ତରେ ସ୍ବତନ୍ତ୍ର ରିଲିଫ କମିଶନର ବିଷ୍ଣୁ ପଦ ସେଠୀ ଆସିଛନ୍ତି । ଏଠାରେ ସେ ଅତ୍ୟଧିକ ବାତ୍ୟା ପ୍ରଭାବିତ ଅଞ୍ଚଳକୁ ଯାଇ ବିପନ୍ନଙ୍କୁ କେତେ ପରିମାଣର ସହାୟତା ମିଳିଛି, ସେ ନେଇ ତଦାରଖ କରିବା କାର୍ଯ୍ୟକ୍ରମ ରହିଛି ।

ଗଜପତି: ତିତଲି ବାତ୍ୟା ପରବର୍ତ୍ତୀ ପୁନଃ ଉଦ୍ଧାର କାର୍ଯ୍ୟ ସମୀକ୍ଷା ପାଇଁ ଗଜପତି ଜିଲ୍ଲା ଗସ୍ତରେ ସ୍ବତନ୍ତ୍ର ରିଲିଫ କମିଶନର ବିଷ୍ଣୁ ପଦ ସେଠୀ । ଏଠାରେ ସେ ଜିଲ୍ଲାପାଳ ସମ୍ମିଳନୀ କକ୍ଷରେ ଜିଲ୍ଲାର ବିଭିନ୍ନ ବିଭାଗର ଅଧିକାରୀଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରୁଛନ୍ତି । ଏଥିସହ ନିଜ ବିଭାଗ ଅଧିନସ୍ଥ କାର୍ଯ୍ୟକ୍ରମର ଅଗ୍ରଗତି ସମ୍ପର୍କରେ ସବିଶେଷ ତଥ୍ୟ ସଂଗ୍ରହ କରୁଛନ୍ତି ।

ଏହାପରେ ସେ କ୍ଷେତ୍ର ପରିଦର୍ଶନରେ ରାୟଗଡ ବ୍ଲକର କଇପୁର ଅଞ୍ଚଳକୁ ଯିବା ନେଇ କାର୍ଯ୍ୟକ୍ରମ ରହିଛି । ତିତଲି ପ୍ରଭାବରେ ଏହି ଅଞ୍ଚଳରେ ବିଶେଷ କ୍ଷତିଗ୍ରସ୍ତ ହୋଇଥିଲା । ଏଠାରେ ବାତ୍ୟା ପରବର୍ତ୍ତୀ ପୁନଃରୁଦ୍ଧାର କାମ କେତେ ଦୂର ସଫଳ ହୋଇଛି, ସେ ନେଇ ସମୀକ୍ଷା କରିବେ ।

ବୈଠକ ଚାଲିଥିବା ସମୟରେ

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ