ଗଜପତି: ଜିଲ୍ଲା ପ୍ରଶାସନର ବଡ ନିଷ୍ପତି । ଜିଲ୍ଲାରେ ୧୪୪ ଧାରା ଜାରି କରିବାର ୨୪ ଘଣ୍ଟା ନପୁରୁଣୁ ଏହାକୁ ହଟାଇ ଦିଆଯାଇଛି । ଏହାକୁ ନେଇ ସାଧାରଣ ଲୋକେ ଆଶ୍ବସ୍ତ ଅନୁଭବ କରିଛନ୍ତି । ଏନେଇ ଜିଲ୍ଲାପାଳ ଅନୁପମ ଶାହା ସ୍ପଷ୍ଟ କରିଛନ୍ତି ଯେ, ଜନସମାଗମକୁ ରୋକିବା ପାଇଁ ଜିଲ୍ଲାରେ ୧୪୪ ଧାରା ଲାଗୁ ହୋଇଥିଲା । କିନ୍ତୁ ବର୍ତ୍ତମାନ ଏହାକୁ ହଟାଯାଇଥିବା ନେଇ ସୂଚନା ଦେଇଛନ୍ତି ଜିଲ୍ଲାପାଳ ।
ଗଜପତିରୁ ହଟିଲା ଧାରା 144
କିନ୍ତୁ COVID-୧୯ ନିୟନ୍ତ୍ରଣ ଆଇନ ବଳବତ୍ତର ରହିଥିବା ସେ କହିଛନ୍ତି । କୋରୋନାକୁ ନେଇ ସାରା ବିଶ୍ବ ଚିନ୍ତିତ ଥିବା ବେଳେ ଏହାର ନିୟନ୍ତ୍ରଣ ପାଇଁ ଗଜପତି ଜିଲ୍ଲା ପ୍ରଶାସନ ଜିଲ୍ଲାରେ ସୋମବାର ହଠାତ୍ ୧୪୪ ଧାରା ଜାରି କରିଥିଲା । ଏହାପରେ ପୁଲିସ ଏବଂ ପ୍ରଶାସନ ବିଭିନ୍ନ ସ୍ଥାନ ବୁଲି ଗହଳି ଥିବା ଲୋକଙ୍କୁ ସଚେତନ କରିବା ସହ ଗୋଟିଏ ସ୍ଥାନରେ ୫ରୁ ଅଧିକ ଲୋକଙ୍କୁ ରହିବା ଉପରେ କଟକଣା ଜାରି କରାଯାଇଥିଲା।