ପାରଳାଖେମୁଣ୍ଡି:ନେରେଡି ବ୍ୟାରେଜ ପ୍ରଭାବିତ ହେଉଥିବା ଲୋକେ ଜିଲ୍ଲାପାଳଙ୍କୁ ଦାବି ଜଣାଇଲେ । ଉପଯୁକ୍ତ କ୍ଷତିପୂରଣ ସହ ଥଇଥାନ ପାଇଁ ଦାବି କରିଛନ୍ତି । ବିଶେଷ କରି ଦୀର୍ଘଦିନରୁ ରହୁଥିବା ନିଜର ଭିଟାମାଟିକୁ ଉପଯୁକ୍ତ କ୍ଷତିପୂରଣ ପାଇଁ ଦାବି କରିଛନ୍ତି ।
ନେରେଡି ବ୍ୟାରେଜ ପ୍ରଭାବିତ ଗ୍ରାମବାସୀ ଜିଲ୍ଲାପାଳଙ୍କୁ ଭେଟିଲେ
ବଂଶଧାରା ନଦୀ ଉପରେ ନେରେଡି ଠାରେ ପ୍ରକଳ୍ପ ନିର୍ମାଣ ପାଇଁ ଟ୍ରିବ୍ୟୁନାଲ ଆନ୍ଧ୍ରକୁ ସବୁଜ ସଂକେତ ଦେବା ପରେ ଏଥିପାଇଁ ପ୍ରକ୍ରିୟା ଆରମ୍ଭ କରିଛନ୍ତି ଆନ୍ଧ୍ର ସରକାର । ତେବେ ଆବଶ୍ୟକୀୟ ଓଡିଶା ଜମି ଗ୍ରହଣ କରିବାରେ ସହାୟତା କରିବା ପାଇଁ ମଧ୍ୟ ଓଡିଶା ସରକାରଙ୍କୁ ନିର୍ଦ୍ଦେଶ ଜାରି କରିଛନ୍ତି କୋର୍ଟ । ତେବେ ଓଡିଶା ସରକାର ଏହାକୁ କିଭଳି ଗ୍ରହଣ କରିବେ ତାହା ସ୍ପଷ୍ଟ ହୋଇନଥିଲେ ମଧ୍ୟ କ୍ଷତିଗ୍ରସ୍ତ ଅଞ୍ଚଳର ଲୋକେ ଜିଲ୍ଲାପାଳଙ୍କୁ ଭେଟି ସେମାନଙ୍କ ଦାବି ଜଣାଇଛନ୍ତି ।