ପାରଳାଖେମୁଣ୍ଡିରେ ବିଧାୟକ ରମେଶ ଜେନା, କର୍ମୀଙ୍କୁ ଦେଲେ ଗୁରୁମନ୍ତ୍ର

ଗଜପତି ଜିଲ୍ଲା ଦିନିକିଆ ଗସ୍ତରେ ଆସି କଂଗ୍ରେସ ଜିଲ୍ଲା ପର୍ଯ୍ୟବେକ୍ଷକ ରମେଶ ଜେନା । ଏହି ଅବସରରେ ଜିଲ୍ଲାରେ କଂଗ୍ରେସର ସ୍ଥିତି ସେ ପରଖିଥିଲେ ।

ଗଜପତି: ଜିଲ୍ଲାରେ କଂଗ୍ରେସର ସ୍ଥିତି ପରଖିଛନ୍ତି ନୂତନ ଭାବେ ପର୍ଯ୍ୟବେକ୍ଷକ ଭାବେ ଦାୟିତ୍ବ ଗ୍ରହଣ କରିଥିବା ସାନଖେମୁଣ୍ଡି ବିଧାୟକ ରମେଶ ଜେନା । ସେ ଦିନିକିଆ ଗସ୍ତରେ ଗଜପତି ଜିଲ୍ଲା ଆସି ସ୍ଥିତି ପରଖିଛନ୍ତି ।

ପ୍ରଥମେ ଏକ ବାଇକ ରାଲିରେ ମୋହନା ନିର୍ବାଚନ ମଣ୍ଡଳୀରୁ ଆସି ପାରଳାଖେମୁଣ୍ଡିରେ ପହଞ୍ଚିଥିଲେ । ସେଠାରେ ଏକ ସାଧାରଣ ସଭାରେ ଯୋଗ ଦେଇଥିଲେ । ଗତ 2019 ନିର୍ବାଚନରେ ହୋଇଥିବା ବିଭିନ୍ନ ତ୍ରୃଟି ସମ୍ପର୍କରେ କର୍ମୀଙ୍କ ସହ ଆଲୋଚନା କରିଥିଲେ । ଆଗକୁ କିଭଳି ଦଳର ସ୍ଥିତି ସୁଦୃଢ ହେବ ସେ ନେଇ ମଧ୍ୟ ଆଲୋଚନା କରିଥିଲେ । ତେବେ ଜିଲ୍ଲାରେ କଂଗ୍ରେସ ସ୍ଥିତି ଭଲ ରହିଛି । କେବଳ ଜଣେ ଦକ୍ଷ ନେତୃତ୍ବର ଆବଶ୍ୟକତା ରହିଛି ବୋଲି ଏହି ଅବସରରେ ସେ କହିଥିଲେ ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ