ପାରଳାଖେମୁଣ୍ଡି: ହତ୍ୟାକାରୀଙ୍କୁ ଆଜୀବନ କାରାଦଣ୍ଡାଦେଶ ଶୁଣାଇଲେ ଗଜପତି ଜିଲ୍ଲା ଦୌରାଜଜ ସତ୍ୟପୀର ମିଶ୍ର । ଏହା ସହ ୧୫ ହଜାର ଟଙ୍କା ଜରିମାନା ଲଗାଇଛନ୍ତି ।
ଏହା ଅନାଦେୟ ସ୍ଥଳେ ଅଧିକ ୬ ମାସର କାରାଦଣ୍ଡାଦେଶ ଶୁଣାଇଛନ୍ତି ଜିଲ୍ଲା ଦୌରାଜଜ । ଦୋଷୀ ବର୍ତ୍ତମାନ ପାରଳାଖେମୁଣ୍ଡି ସବଜେଲରେ ରହିଛନ୍ତି ବୋଲି ସରକାରୀ ଓକିଲ ଶରତ ଚନ୍ଦ୍ର ପ୍ରଧାନ ସୂଚନା ଦେଇଛନ୍ତି ।
ହତ୍ୟାକାରୀକୁ ଆଜୀବନ କାରାଦଣ୍ଡାଦେଶ
ଘଟଣା ଅନୁସାରେ ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ କେହେଲିଗୁଡା ଗାଁ ସ୍କୁଲରେ ପାଚିକା ଭାବେ କାମ କରୁଥିଲେ ମୃତକ ଜୟନ୍ତୀ ମଲ୍ଲିକ(୨୫) । ତେବେ ଗତ ୨୦୧୭ ମସିହା ସେପ୍ଟେମ୍ବର ୧୧ ତାରିଖ ମଧ୍ୟାହ୍ନରେ ସ୍କୁଲରେ ରୋଷେଇ କାମ ସାରି ଆସବାବପତ୍ର ସଫା କରୁଥିବା ସମୟରେ ତାଙ୍କ ପଡୋଶୀ ବିପ୍ର ମଲ୍ଲିକ କାଠ ଫାଳିଆ ସାହାଯ୍ୟରେ ଆକ୍ରମଣ କରିଥିଲେ । ଫଳରେ ଜୟନ୍ତୀ ଘଟଣାସ୍ଥଳରେ ହିଁ ଟଳି ପଡିଥିଲେ ।