ବେଆଇନ ପିଆଶାଳ କାଠ ଚାଲାଣ, 8 ମାଫିଆ ଗିରଫ

ଏକ 407 ଭ୍ୟାନରେ ପିଆଶାଳ ଗଣ୍ଡି ଯାଉଥିବାବେଳେ ପୋଲିସ 13 ଖଣ୍ଡ ପିଆଶାଳ କାଠ ଗଣ୍ଡି ଜବତ କରିବା ସହ 8 ଜଣ କାଠ ମାଫିଆଙ୍କୁ ଗିରଫ କରିଛି l

ଗଜପତି: ଚୋରା କାଠ ଚାଲାଣ ବେଳେ ଧରିଲା ପୋଲିସ । ଏକ 407 ଭ୍ୟାନରେ ପିଆଶାଳ ଗଣ୍ଡି ଯାଉଥିବାବେଳେ ପୋଲିସ 13 ଖଣ୍ଡ ପିଆଶାଳ କାଠ ଗଣ୍ଡି ଜବତ କରିବା ସହ 8 ଜଣ କାଠ ମାଫିଆଙ୍କୁ ଗିରଫ କରିଛି l ଏହିସବୁ କାଠଗଣ୍ଡି ଗଜପତି ମୋହନା ବ୍ଲକ ଅନ୍ତର୍ଗତ ଅଡବାରୁ ବରଗଡକୁ ଚାଲାଣ ହେଉଥିବାବେଳେ ଜବତ କରିଛି ଅଡବା ପୋଲିସ ।

ଗିରଫ କାଠ ମାଫିଆମାନେ ଅଡବା ଅଞ୍ଚଳର ବୋଲି ପୋଲିସ ସୂଚନା ଦେଇଛି l ମଙ୍ଗଳବାର ରାତିରେ ଝିଲିକି-ଗୌଡ଼ଗୋଠ ରାସ୍ତାରେ ପାଟ୍ରୋଲିଂ କରୁଥିବା ବେଳେ ପୋଲିସକୁ ଏହି ସଫଳତା ମିଳିଛି । ଜବତ କାଠଗଣ୍ଡି ଗୁଡ଼ିକୁ ମୋହନା ବନବିଭାଗକୁ ହସ୍ତାନ୍ତର କରାଯାଇଥିବା ଅଡବା ପୋଲିସ ସୂଚନା ଦେଇଛି ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ