ପାରଳାଖେମୁଣ୍ଡି: ଲକଡାଉନ୍ ସମୟରେ ଅସହାୟ ଲୋକଙ୍କୁ ସହାୟତାର ହାତ ବଢାଇଲେ ଯୁବ ବିଜେଡି ସଭାପତି । ଗଜପତି ଜିଲ୍ଲାର ବିଭିନ୍ନ ଗ୍ରମାଞ୍ଚଳରେ ବୁଲି ଲୋକଙ୍କୁ ଅତ୍ୟାବଶ୍ୟକ ସାମଗ୍ରୀ ବଣ୍ଟନ କରୁଛନ୍ତି । କୋରୋନାରୁ ରକ୍ଷା ପାଇବା ଲୋକଙ୍କୁ ମାସ୍କ ସାବୁନ ମଧ୍ୟ ପ୍ରଦାନ କରୁଛନ୍ତି ।
ମହାମାରୀ କୋରୋନାକୁ ନେଇ ଚାରିଆଡେ ଲକଡାଉନ ଜାରି ରହିଥିବା ବେଳେ ମୁଖ୍ୟମନ୍ତ୍ରୀଙ୍କ ଆହ୍ବାନ ଏବଂ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁଙ୍କ ନିର୍ଦ୍ଦେଶରେ ଗଜପତି ଜିଲ୍ଲାର ଯୁବ ବିଜେଡି ସଭାପତି ଏସ୍.ଲିଙ୍ଗରାଜ ଲୋକଙ୍କୁ ସାହର୍ଯ୍ୟ କରୁଛନ୍ତି । ଗଜପତି ଜିଲ୍ଲାର ଗୋଷାଣି ବ୍ଳକ୍ର ବିଭିନ୍ନ ସ୍ଥାନ ବୁଲି ଗରିବ ଲୋକଙ୍କୁ ଚାଉଳ, ପରିବା ଭଳି ଅତ୍ୟାବଶ୍ୟକ ସାମଗ୍ରୀ ସହ ମାସ୍କ ବଣ୍ଟନ କରୁଛନ୍ତି । ଏଭଳି ଘଡ଼ିସନ୍ଧି ମୂହୁର୍ତ୍ତରେ ଅନେକ ଲୋକ ଖାଇବାକୁ ପାଉନାହାଁନ୍ତି । ତେଣୁ ସେମାନଙ୍କୁ ସହାୟତା କରିବା ଆମର ଧର୍ମ ବୋଲି କହିଛନ୍ତି । ଜିଲ୍ଲାର ପ୍ରତ୍ୟେକ ବିଜେଡି କର୍ମୀ ଓ ନେତା ମୁଖ୍ୟମନ୍ତ୍ରୀଙ୍କ ଆହ୍ବାନକୁ ପାଳନ କରିବା ପାଇଁ ପ୍ରୟାସ କରିବା ଆବଶ୍ୟକ ବୋଲି କହିଛନ୍ତି ।
ଗଜପତିରୁ ହରିହର ପଟ୍ଟନାୟକ,ଇଟିଭି ଭାରତ