ଗଜପତି: ଗୁରୁବାର ପୌର ନିର୍ବାଚନ ମତଦାନ ଶେଷ ହୋଇଥିବା ଶନିବାର ଭୋଟ ଗଣତି ହେବ । ଏହାକୁ ନେଇ ସବୁ ପ୍ରତିଦ୍ୱନ୍ଦୀ ଆଶା ଆଶଙ୍କାରେ ରହିଛନ୍ତି । ସମର୍ଥକମାନେ ନିଜ ନିଜର ପ୍ରାର୍ଥୀଙ୍କ ଭବିଷ୍ୟତକୁ ନେଇ ଚିନ୍ତାରେ ପଡିଛନ୍ତି ।
Municipal Vote Counting: ଗଜପତିରେ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି
ପାରଳାଖେମୁଣ୍ଡି ପୌରପରିଷଦ କାର୍ଯ୍ୟାଳୟ ପରିସରରେ ହେବାକୁ ଥିବା ଭୋଟ ଗଣତି ପାଇଁ ପ୍ରାଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ୫ଟି ଟେବୁଲରେ ଏକକାଳୀନ ଗଣତି ହେବ । ଏଠାକାର ୧୬ଟି ୱାର୍ଡ ପାଇଁ ୪ଟି ରାଉଣ୍ଡରେ ଗଣତି ହେବ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ସେହିଭଳି ୧୩ ୱାର୍ଡ ବିଶିଷ୍ଟ କାଶୀନଗର NACରେ ୩ଟି ରାଉଣ୍ଡରେ ଭୋଟ ଗଣତି ହେବ ବୋଲି ପାରଳାଖେମୁଣ୍ଡି ଉପଜିଲ୍ଲାପାଳ ଦିଲ୍ଲୀପ କୁମାର ମହାରଣା ସୂଚନା ଦେଇଛନ୍ତି ।