ଗଜପତି: କୋରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ଚଳିତ ବର୍ଷ ବାଣ ବିକ୍ରି ଓ ଫୁଟାଇବା ଉପରେ କଟକଣା ଲଗାଇଛନ୍ତି । ହେଲେ ଏ ନିୟମକୁ ବାଣ ବ୍ୟବସାୟୀ ଖୁଲମଖୁଲା ବେଖାତିର କରିଥିବାର ଦେଖିବାକୁ ମିଳିଛି । ଗଜପତି ଜିଲ୍ଲା ପାରଳାଖେମୁଣ୍ଡିରେ ଏକ ବାଣ ଗୋଦାମରେ ଆଗପଟୁ ତାଲା ମାରି ପଛପଟେ ବାଣ ପ୍ରସ୍ତୁତ କରାଯାଉଥିବା ଘଟଣା ସାମ୍ନାକୁ ଆସିଛି ।
କଟକଣା ସତ୍ତ୍ବେ କିଛି ବାଣ ବ୍ୟବସାୟୀ ବାଣ ଆଣି ଗଚ୍ଛିତ ରଖିଥିଲେ । ଏହି ଖବର ପାଇଁ ପ୍ରଶାସନ ପକ୍ଷରୁ ଚଢାଉ କରାଯାଇ ଦୋକାନଗୁଡିକୁ ତାଲା ମରାଯାଇଥିଲା । ତଥାପି ବ୍ୟବସାୟୀମାନେ ଦୋକାନ ଆଗରେ ତାଲା ମାରି ପଛ ରାସ୍ତାରେ ବାଣ ବ୍ୟବସାୟ ଚଲାଇଥିଲେ । ଏହାର ଖବର ପାଇ ପାରଳାଖେମୁଣ୍ଡି ଥାନା ଅଧିକାରୀ ବିଦେବାନନ୍ଦ ସ୍ବାଇଁଙ୍କ ନେତୃତ୍ବରେ ଘଟଣାସ୍ଥଳରେ ଚଢାଉ କରାଯାଇଥିଲା । ଏହା ପରେ ପାରଳାଖେମୁଣ୍ଡି ତହସିଲଦାର ଅଚ୍ୟୁତାନନ୍ଦ ଜାନୀ ପହଞ୍ଚି ବାଣ ଗଚ୍ଛିତ ଥିବା କୋଠାର ବିଭିନ୍ନ ପଥକୁ ସିଲ କରିଥିଲେ ।
ଆଗରୁ ତାଲା ମାରି ପଛ ପଟେ ଚାଲିଥିଲା ବାଣ ବ୍ୟବସାୟ