ପାରଳାଖେମୁଣ୍ଡି: ସାରା ଭାରତରେ କୋରନାକୁ ନେଇ ଲକଡାଉନ ଘୋଷଣା କରାଯାଇଛି । ଉଭୟ ଜିଲ୍ଲା ପ୍ରଶାସନ ଏବଂ ପୋଲିସ ଏହାକୁ କାର୍ଯ୍ୟକାରୀ କରିବା ପାଇଁ ଦିନ ରାତି ଏକ କରି ଦେଇଛନ୍ତି । ବିଶେଷ କରି ପୁଲିସ କର୍ମଚାରୀମାନେ ପ୍ରଚଣ୍ଡ ଖରାରେ ବିଭିନ୍ନ ସ୍ଥାନରେ ନିଜର କର୍ତ୍ତବ୍ୟ ସଂପାଦନ କରୁଛନ୍ତି ।
ଏଭଳି ସମୟରେ ପାରଳାଖେମୁଣ୍ଡି ବିଧାୟକ କେ.ନାରାୟଣ ରାଓ ସହରର ବିଭିନ୍ନ ସ୍ଥାନ ବୁଲି ପୋଲିସ କର୍ମଚାରୀଙ୍କୁ ଦହି, ଭାତ, ପାନୀୟ ଜଳ ଏବଂ ଫଳ ଆଦି ବଣ୍ଟନ କରୁଛନ୍ତି । ତାଙ୍କ ସହ କିଛି ସହକର୍ମୀ ମଧ୍ୟ ସହାୟତା କରୁଛନ୍ତି । ଜିଲ୍ଲାର ସମସ୍ତ ପ୍ରବେଶ ପଥରେ ଜଗି ରହିବା ସହ ବିଭିନ୍ନ ସ୍ଥାନରେ ଅମାନିଆଙ୍କୁ ସାବାଡ କରୁଛନ୍ତି। ଆଇନଶୃଙ୍ଖଳା ପରିସ୍ଥିତିକୁ ଏଡାଇବା ପାଇଁ ପୋଲିସ କର୍ମଚାରୀମାନେ ନିଜ ଜୀବନକୁ ବାଜି ଲଗାଇ କର୍ତ୍ତବ୍ୟ କରୁଛନ୍ତି।
ମହାମାରୀରେ କାର୍ଯ୍ୟରତ କର୍ମଚାରୀଙ୍କୁ ଖାଦ୍ୟ ବାଣ୍ଟିଲେ ପାରାଳାଖେମୁଣ୍ଡି ବିଧାୟକ