ଗଜପତି: କୋରୋନା ମହାମାରୀକୁ ନେଇ ସାରା ବିଶ୍ବ ବର୍ତ୍ତମାନ ଚିନ୍ତିତ । ଆମ ଦେଶରେ ମଧ୍ୟ ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଯଦିଓ ଗଜପତି ଜିଲ୍ଲାରେ ବର୍ତ୍ତମାନ ଯାଏଁ ଜଣେ ହେଲେ ବି କୋରୋନା ଆକ୍ରାନ୍ତ ଚିହ୍ନଟ ହୋଇନାହାଁନ୍ତି, ତଥାପି ଜିଲ୍ଲାକୁ ଫେରୁଥିବା ପ୍ରବାସୀଙ୍କୁ ନେଇ ଚିନ୍ତାରେ ସରକାର । ଏଭଳି ସ୍ଥିତିରେ ନାଟକୀୟ ଢଙ୍ଗରେ କୋରୋନା ସଂପର୍କରେ ଲୋକଙ୍କୁ ସଚେତନତାର ବାର୍ତ୍ତା ବାଣ୍ଟି ପୁଣି ଚର୍ଚ୍ଚାରେ ଗଜପତି ଜିଲ୍ଲା ଏସପି ସାରା ଶର୍ମା ।
କୋରୋନା ମାହାମାରୀରୁ ରକ୍ଷା ପାଇବାକୁ ହେଲେ ସଚେତନ ରହିବା ସହ ସତର୍କତା ଅବଲମ୍ବନ କରିବା ନିତାନ୍ତ ଜରୁରୀ । ଆଉ ଏହାକୁ ନାଟକ ମାଧ୍ୟମରେ ଲୋକଙ୍କୁ ବୁଝାଇଛନ୍ତି ପୋଲିସ । ପାରଳାଖେମୁଣ୍ଡି ସହରର ବିଭିନ୍ନ ସ୍ଥାନରେ ହୋଇଥିବା ଏହି ପଥପ୍ରାନ୍ତ ନାଟକରେ ପୋଲିସ ବିଭାଗର ବଛା ବଛା କର୍ମଚାରୀ ଅଭିନୟ କରିଥିବା ବେଳେ ଗଣମାଧ୍ୟମର ପ୍ରତିନିଧୀମାନେ ସହାୟତା କରିଥିଲେ । ପୋଲିସର ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରସଂଶା କରାଯାଇଥିବା ବେଳେ ଗଣମାଧ୍ୟମରେ ସହାୟତାକୁ ଲୋକେ ସ୍ବାଗତ କରିଛନ୍ତି ।