ଗଜପତିରେ 6 ବର୍ଷର ଶିଶୁ ନିଖୋଜ, ଖେଳୁଥିଲା ଉଠାଇ ନେଲେ ଦୁର୍ବୃତ୍ତ

ଗଜପତି ଜିଲ୍ଲା କୁମୁଟ ସାହିର ଜଣେ 6 ବର୍ଷର ଶିଶୁ ନିଖୋଜ । ପୋଲିସର ତଦନ୍ତ ଜାରି । ଅଧିକ ପଢନ୍ତୁ...

ଗଜପତି:ରାଜ୍ୟରେ ଅସୁରକ୍ଷିତ ଶିଶୁ । ନୟାଗଡର ଦୁଇ ଦୁଇଟି ଶିଶୁ ନିଖୋଜ ଘଟଣାର ନିଆଁ ଲିଭି ନଥିବା ବେଳ ରାଜ୍ୟ ପୁଣି ଶିଶୁ ନିଖୋଜ ଘଟଣା ସାମ୍ନାକୁ ଆସିଛି । ଗଜପତି ଜିଲ୍ଲା କାଶୀନଗର ଥାନା ଅନ୍ତର୍ଗତ କୁମୁଟି ସାହିର ଜଣେ ଶିଶୁ ନିଖୋଜ ଥିବା ଜଣାପଡିଛି ।

ସୂଚନାଅନୁସାରେ, କୁମୁଟ ସାହିର 6 ବର୍ଷର ବାଳକ ଜାମ୍ମୀ ହାର୍ଦ୍ଧିକ ଘର ନିକଟରେ ଖେଳୁଥିଲା। ହଠାତ୍ ଦୁଇଜଣ ଅଜଣା ବ୍ୟକ୍ତି ବାଇକରେ ଆସି ବାଳକଟିକୁ ନେଇ ଯାଇଥିବା ପରିବାର ଲୋକ ଥାନାରେ ଅଭିଯୋଗ କରିଛନ୍ତି । ଘର ଲୋକଙ୍କ ଅଭିଯୋଗକୁ ଭିତ୍ତି କରି ପୋଲିସ ଘଟଣାର ତଦନ୍ତ ଆରମ୍ଭ କରିଛି । ତେବେ ଏ ଯାଏଁ ନିଖୋଜ ଶିଶୁର କୌଣସି ପତ୍ତା ମିଳି ପାରିନାହିଁ ।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ